როგორ გავიზომოთ ჟანგბადის დონე სახლის პირობებში და როგორ ავარჩიოთ სანდო საშუალება
როგორ გავიზომოთ ჟანგბადის დონე სახლის პირობებში და როგორ ავარჩიოთ სანდო საშუალება
კორონავირუსის პანდემიამ ერთი აქამდე არც თუ ისე ნაცნობი ნივთის საჭიროება გააჩინა. ეს პულსოქსიმეტრია. ხელსაწყო, რომელიც პულსთან ერთად სისხლში ჟანგბადის შემცველობასაც ზომავს და ამით დროულ სიგნალს იძლევა, თუ ფილტვებში სახიფათო პროცესები იწყება. სისხლში ჟანგბადის დონე 95% და მეტი უნდა იყოს. როცა ეს მაჩვენებელი კლებულობს, საყურადღებოა და არამარტო კორონავირუსის დროს.
ბევრი ახსნა არ სჭირდება იმ ფაქტს, თუ რამდენად მნიშვნელოვანია, პულსოქსიმეტრი ზუსტად ზომავდეს ამ პარამეტრს, შესაბამისად, თუ ამ ხელსაწყოს შეძენას გადაწყვეტთ, პირველ რიგში უნდა იცოდეთ, როგორ შეარჩიოთ სანდო მოდელი და როგორ მოიხმაროთ, რომ
სწორი ციფრები მიიღოთ.
mshoblebi

მიაქციეთ ყურადღება შემდეგ პარამეტრებს:

მუშაობის სიჩქარე: მოწყობილობა სწრაფად უნდა ირთვებოდეს და გადადიოდეს მუშაობის რეჟიმზე.
კონსტრუქცია: დააკვირდით, რომ ციფრები მკაფიოდ ისახებოდეს, არ ციმციმებდეს და არ ირეოდეს ერთმანეთში.
კორპუსი: პულსოქსიმეტრზე უნდა იყოს აღნიშვნა, რომ დავარდნის მიმართ მდგრადია. წინააღმდეგ შემთხვევაში, შეიძლება მალე გამოვიდეს მწყობრიდან.
მონაცემების სისწორე: აუცილებლად გატესტეთ პულსოქსიმეტრი ჯანმრთელ ადამიანზე და სასურველია, თავადაც გაზომილი გქონდეთ მაშინ, როცა არაფერი გაწუხებთ.
მიაქციეთ ყურადღება აღნიშვნებს - %SpO2 ამ მაჩვენებლის გასწვრივ ციფრი ჟანგბადის შემცველობას აღნიშნავს, ხოლო PR bpm-ის გაწვრივ ანთებული ციფრი პულსის მაჩვენებელია.

როგორ მუშაობს პულსოქსიმეტრი:

სპეციალურ ღიობში თითი უნდა მოათავსოთ და რამდენიმე წამი არ უნდა გაინძრეთ.
ფრჩხილებზე
ლაქი, მითუმეტეს, მუქი ფერის, ცვლის მაჩვენებელს. მითუმეტეს, შილაკი და სხვა დამატებითი ფენები. ლაქი ან სრულიად უფერო და გამჭვირვალე უნდა იყოს, ან საერთოდ უნდა მოიცილოთ. გრძელი ფრჩხილი თითის მოწყობილობაში სწორად მოთავსებაში ხელს შეგიშლით. იარა, ხალი, ხორცმეტი და წანაზარდები თითზე ასევე ცვლიან პარამეტრებს.
ჩვეულებრივ, ადამიანები საჩვენებელ თითს ათავსებენ აპარატში, ასე უფრო მოხერხებულია, თუმცა რომელ თითზე გაიზომავთ, დიდი მნიშვნელობა არა აქვს. ერთ-ერთი კვლევა ამტკიცებს, რომ ყველზე ზუსტ მაჩვენებელს დომინანტი ხელის არათითი იძლევა. ეს ნიშნავს, რომ თუ ცაცია ხართ, მაცხენა ხელის არათითზე უნდა გაიზომოთ, თუ მემარჯვენე - მარჯვენა არათითზე.
გაზომვის წინ გაითბეთ ხელები - ცივ ხელებში სისხლის მიმოქცევა ნაკლებია და შეიძლება სატურაციის ცრუ დაბალი მაჩვენებელი მიიღოთ.
ჟანგბადის შემცველობა სისხლში დღის განმავლობაში ცვალებადია, ამიტომ რეკომენდებულია დღეში რამდენჯერმე გაზომვა. კოვიდის დროს ეს განსაკუთრებით მნიშვნელოვანია, რათა საჭიროების შემთხვევაში ექიმისთვის პასუხი მზად გქონდეთ.
პულსოქსიმეტრის მთავარი უპირატესობა ისაა, მანამ გამოავლინოს პრობლემა, სანამ თქვენ მას სუნთქვის გაძნელებით იგრძნობთ.

როგორ ავირჩიოთ?

უნდ აიცოდეთ, რომ მაღალი ფასი სულაც არ ნიშნავს საუკეთესოს. მითუმეტეს, რომ პანდემიის შემდეგ ამ ხელსაწყოს ფასი თითქმის გაორმაგებულია. თუმცა მსოფლიოში მისი მოხმარება ძალიან გაიზარდა, რასაც გარკვეული დასკვნებიც მოჰყვა: სრულიად გაურკვეველი წარმოშობის ჩინური პულსოქსიმეტრებიც კი ნორმალურად ასრულებენ დანიშნულებას. მინიმალური ცდომილება აქვთ, თუმცა ტენდენციას აჩვენებენ - სატურაცია ქვემოთ მიდის თუ სტაბილურია. პირველ რიგში, აპარატი ხელში მოსინჯეთ, მყარი უნდა იყოს და ხელშივე არ უნდა იშლებოდეს ნაწილებად.
პულსოქსიმეტრის სხვადასხვა სახეობები არსებობს, თუმცა ექიმები თითზე გასაზომ მოდელს გირჩევენ. მართალია, ტელეფონის ზოგიერთ მოდელსაც აქვს ამ პარამეტრის საზომი, თუმცა ის სრულიად სხვა პრინციპით მუშაობს და მისი სისწორე მხოლოდ 75%-ია.

თუ პულსოქსიმეტრი ვერ იყიდეთ

მისი ფასის გათვალისწინებით, ეს სრულიად გასაგები და მოსალოდნელია, თუმცა პანიკაში ნუ ჩავარდებით. კოვიდის შემთხვევათა 80% მარტივად ჩაივლის. პულსის დათვლა თავადაც შეგიძლიათ, ხოლო ფილტვების მდგომარეობის შესამოწმებლად დათვალეთ სუნთქვა წუთის განმავლობაში. თუ სუნთქვის სიხშირე წუთში 20-ზე ნაკლებია, საფრთხე არ გემუქრებათ, თუ წუთში 24-ს გადასცდება, ექიმს უნდა დაუკავშირდეთ.

4185
ბეჭდვა
მოგვწერეთ თქვენი შეკითხვები და მოსაზრებები
კომენტარები (2)
ნანა
0
სისხლის ანალიზის შედეგად აღმომაჩნდა ისეთი ძალიან დაბალი ჰემოგლობინი,რომ ოპერაციაზე უარი მითხრეს,არადა ვნახე ჟანგბადი 98 იყო,მოვითხოვე ახლიდან სისხლის შემოწმება ამის გამო და აღმოჩნდა რომ ჰემოგლობინი კი იყო დაბალი,მაგრამ ქვედა ზღვარს არ იყო ჩამოსული,ოპერაციაც გამიკეთეს.სისხლის ანალიზში ცვლილება ლაბორანტის მიერ ანალიზის გაკეთების პირობის დარღვევის გამო მოხდა,რის გამოც არასწორი პასუხი გამოვიდა,მახსოვს ექიმმა რა ამბავი აუტეხა,ასე რომ ჰემოგლობინის დაწევაც შეიძლება დააფიქსიროთ ოქსიმეტრის საშუალებით.
10:24 / 28-11-2020
keti
2
10 ცელია ვხმარობ მაგ საზომს მარტო პილტვის სასუნტკ პულსტან ერტად იზომავ გულის რიტმსაც არაცჰვეულებრივია არ უნდა დაინანო ტანხა ადრე დზვირი იკო ეხლა იაპია რაც ეს კორონოვირუსი გაცჰნდა გამოვიდა იაპიანიც კველა ოჯახსჰია საცჰირო სავალდებულო არ არის რამე გცჰირდეს უბრალოდ ზომავ დილა საგამოს ტუკი ცონა გაკვს ადამიანს მასჰინ პილტვები ისე კარგად ვერ სუნტკავს ჯანმრტელიც რომ იკვე და არ გაცუხებდეს სჰეიდზლება აცვენოს დაბალი რიცხვი საერტოდ 93 ის დაბლაა უკვე საკურადგებო 93 ის ზევიტ 97 -98 ხომ კარგია კველამ უნდა სჰეიდზინოს ბავსჰვებისტვისაც კარგია გაზომვა
00:44 / 28-11-2020
მსგავსი სიახლეები