მშობლები და მასწავლებლები განგაშს ტეხენ - თუ თქვენს შვილსაც აქვს სპინერი, ეს უნდა იცოდეთ!
მშობლები და მასწავლებლები განგაშს ტეხენ - თუ თქვენს შვილსაც აქვს სპინერი, ეს უნდა იცოდეთ!
იმის შესახებ, თუ რა არის ბოლო დროის ჰიტად ქცეული სპინერი, ჩვენ უკვე ვისაუბრეთ (იხილეთ სტატია ვრცლად). მას აქვს გარკვეული დადებითი თვისებები, სტრესის მომხსნელი თუ ტიკებისგან გადასაჩვევი, თუმცაღა, რაც უფრო მეტი ადამიანი ერთვება "სპინერომანიაში" და რაც უფრო მრავალფეროვანი ხდება ეს "გასართობი", მით უფრო მეტად იკვეთება მისი უარყოფითი გავლენა და საფრთხეები.

უკვე მსოფლიო მასშტაბით ტეხენ განგაშს მშობლები და მასწავლებლები. სპინერის პოპულარობა გაჯეტების საწინააღმდეგოდ იწყებს მუშაობას, ოღონდაც ახალ დამოკიდებულებად იქცევა. მასწავლებლები ამბობენ, რომ ბავშვები იმდენად გაიტაცა სპინერის ხელში ჭერამ და ტრიუკების კეთებამ, გაკვეთილებზე
უჭირთ კონცეტრაცია და ხშირად შინ დავალებებსაც სპინერის თანხლებით აკეთებენ, რაც დავალების შესრულების ხარისხზე უარყოფითად აისახება. 
გარდა ამისა, მკვეთრად იმატა ტრავმებმა, განსაკუთრებით, მძიმე, ე.წ. ხარისხიანი სპინერებისგან. სულ ცოტა ხნის წინ 11 წლის ავსტრალიელი ბიჭუნა კინაღამ უთვალოდ დარჩა, როცა მორიგი მანევრის შესრულებას ცდილობდა და ვერ დაიჭირა სპინერი, რომელიც პირდაპირ თვალში მოხვდა. 
ტეხასელი კელი ჯოეკის ქალიშვილმა კი სპინერის წვრილი დეტალი ჩაყლაპა და ძლივს გადაარჩინეს. 
ასევე ხშირია სპინერის სროლის ან შემთხვევითი მოხვედრის შედეგად მიღებული დაბეჟილობები და სხვა ტრავმები.

სპეციალისტები ამბობენ, რომ სპინერი არ უნდა ჰქონდეს 8 წლამდე ბავშვს, და სასურველია, თავი შეიკავონ მშობლები ძვირად ღირებული და საკმაოდ
მძიმე სპინერების ყიდვისგან - ამით შეიძლება ბავშვს ტრავმის მიღების საფრთხეები გაუზარდოთ.


104708
ბეჭდვა
მოგვწერეთ თქვენი შეკითხვები და მოსაზრებები
კომენტარები (5)
gio
0
პლანშეტი და სხვა მსგავსი გაჯეტები ბევრად უფრო სახიფათოა მაგრამ რა?
17:19 / 25-09-2017
ნათია
1
ყველაფერს მართლა ნუ ვხდით საშინელებას! ყველა სპინერის უარყოფითი მხარეები, რომლებიც ამ სტატიაშია მოყვანილი ულოგიკოა! ბავშვი სახლში რომ მეცადიინეობს და კონცენტრაცია სხვა რაღაცაზე აქვს გადატანილი ამას მშობლებმა უნდა მივხედოთ და სხვათაშორის სპინერის გარდა მეცადინეობისას ბავშმა შეიძლება სხვა სათამაშოზეც გადაიტონოს ყურადღება. სკოლაში მასწავლებელმა უნდა აკონტროლოს რაზე გადაიტანს ყურადღებას ბავშვი, რაც ასევე სპინერის გარდა სხვა სათამაშოებითაც ხდება. ბავშვმა შეიძლება ნებისმიერი სხვა პატარა ნაწილი გადაყლაპოს :ეს იქნება ხურდაფული, კალამის ნაწილი და სხვა, რაც იმას ამტკიცებს რომ ესეც უფროსებმა უნდა აკონტროლონ და სპინერის გარდა სხვა საგნებითაც ხდება და ასევე ყველა ის, რაც აქაა ჩამოწერილი. ბავშვებს რომ ყველაფერს უკრძალავთ, ჯობს გააკონტროლოთ და მეტი ყურადღება დაუთმოთ. ჩემს ბავშვებსაც აქვთ სპინერი, მაგრამ არც თვალი ამოუგდიათ და არც გადაუყლაპიათ, ეს იმიტომ,რომ ჩემი კონტროლის ქვეშ არიან! სათამაშოებიო არ გააკაროთო, სპინერებიო საშინელებებიაო და აბბა რითი ავღზარდო და გავართო ბავშვი?! კონტროლი და ყურადღებაა საჭირო! გიმეორებთ, რაღცეების აკრძალვას, ჯობს მეტი ყურადღება დაუთმოთ ბავშვებს!
22:15 / 26-08-2017
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?