კრედიტქულების დაგროვების სისტემა გაუქმდება - ამის შესახებ განათლების სამინისტროში მიმდინარე პრეზენტაციაზე განაცხადეს, განათლების მინისტრის თქმით, ვითარება იყო ისეთი, რომ მასწავლებელი უფრო მეტს ზრუნავდა კრედიტქულებზე, ვიდრე ბავშვზე.
"როგორ მოხდება, რას მოიცავს ეს, ამაზე საუბარი კიდევ გვექნება", - აღნიშნა მიხეილ ბატიაშვილმა.

გაუქმდება პედაგოგებისთვის თვითშეფასებისა და პორტფოლიოს ატვირთვის ვალდებულებაც.

მასწავლებლის სტატუსის მოსაპოვებლად იქნება გამოცდა „ეს გამოცდები არ ჩატარდება მხოლოდ კომპიუტერთან, შეიძლება ლაბორატორიებშიც ჩატარდეს, უნდა დაადგინოს მასწავლებლის შესაძლებლობები“, - განაცხადა ბატიაშვილმა.
მინისტრის განმარტებით, ცვლილებების ერთ-ერთი მიზანი მეტი ახალი კადრის მოზიდვაც არის.