როგორც იცით, კორონავირუსი საქართველოსაც „ეწვია“. მიუხედავად იმისა, რომ ხსენებული ვირუსით ინფიცირებულთა რიცხვი ამ ეტაპზე არ გაზრდილა, საზაოგადოება შეშინებულია. სამედიცინო სფეროს წარმომადგენლები მოგვიწოდებენ, თავი შევიკავოთ საზოგადოებრივი თავშეყრის ადგილებში სიარულისგან - ეს იქნება კინო, თეატრი, ბავსთა გასართობი ცენტრი და ა.შ. თუმცა მიუხედავად ამისა, არ იზღუდება სასწვალო პროცესი სკოლებსა და ბაღებში, სადაც ხშირ შემთხვევაში ბავშვები საზოგადოებრივი ტრანსპორტით მიდიან და სწორედაც რომ საზოგადოებრივი თავშეყრის ადგილზე უწევთ მოხვედრა, რაც უკვე პრობლემაა.

მშობლებს აშვიდებენ იმით, რომ covid19 არ „წყალობს“ ბავშვებს, ვირუსის მხოლოდ ერთეული შემთხვევებია დაფიქსირებული ბავშვთა ასაკში.
გართულებულ ვირუსულ ფონზე, განათლების სამინისტრო სკოლებს რეკომენდაციებს აძლევს, გატარდეს შემდეგი სახის სამუშაოები:

• სკოლა ყოველდღიურად დალაგდეს სველი წესით;
• საკლასო ოთახების, სხვა სასწავლო და დამხმარე ოთახების დალაგება გაკვეთილების დამთავრების შემდეგ მოხდეს გაღებული ფანჯრებისა მდგომარეობაში. ორი ცვლის შემთხვევაში, დალაგდეს 2-ჯერ;
• ჩატარდეს შენობის გენერალური დასუფთავება როგორც სარეცხი, ასევე სადეზინფექციო საშუალებებით;
• ტუალეტები, ბუფეტი, სასადილო და სამედიცინო კაბინეტი დასუფთავდეს სადეზინფექციო საშუალებებით;
• სანიტარულ-ტექნიკური აღჭურვილობის დასუფთავება მოხდეს ყოველდღიურად. უნიტაზის დასაჯდომი ჩასარეცხი ავზის სახელურები და კარების სახელურები გაირიცხოს ცხელი წყლითა და სადეზინფექციო საშუალებების გამოყენებით;
• სასადილოს დასუფთავება მოხდეს ყოველი საუზმე, სადილისა და სამხარის შემდეგ;
• მაგიდები და ჭურჭელი გაირეცხოს სპეციალური ხსნარებით;
• დეზინფექციის დროს ძირითადი ყურადღება უნდა მიექცეს იმ ნივთების დამუშავებას, რომლებიც გადამწყვეტ როლს თამაშობენ ინფექციის გადაცემაში (კარის სახელურები, კარები, მაგიდის ზედაპირები);
• ჰაერ-წვეთოვანი ინფექციის
  დროს ხშირად განიავდეს კლასები, ოთახები გაიწმინდოს მტვრისაგან, დასუფთავდეს სველი წესით;
• სკოლის ადმინისტრაციის მიერ დადგინდეს ტუალეტების დასუფთავების წესები, პერიოდულობა, დასუფთავებისათვის განკუთვნილი ინვენტარისა და გამოყენებული ჰიგიენური საშუალებების ნუსხა;
• ნაგვის ყუთების გაცლა მოხდეს მათი 2/3-ზე გავსებისას. გაცლის შემდეგ ნაგვის შემკრებებს ჩაუტარდეს დეზინფექცია;
• სკოლის ტერიტორიაზე არ დაიშვას უმეთვალყურეო ცხოველები;
• სკოლაში უზრუნველყოფილი იყოს ნახმარი წყლების მოცილება და სეპტიკური ავზების დაცლა დროულად და უსაფრთხოდ;
• სკოლის ადმინისტრაციის ორგანიზებით, სპეციალიზებული სამსახურის მეშვეობით, ჩატარდეს ნარჩენების კონტეინერების განთავსების ადგილის, ასევე საწყობებისა და სარდაფების პერიოდული დამუშავება.

აქვე უნდა აღინიშნოს, რომ სამინისტრო სრულადაა ჩართული უწყებათაშორის საკოორდინაციო საბჭოს მუშაობაში და იმ შემთხვევაში, თუ რაიმე სახით ვირუსის გავრცელების საფრთხე გამწვავდება, სასწავლო პროცესთან დაკავშირებით მიღებული იქნება შესაბამისი გადაწყვეტილება.

თეკლა ჟვანია