"არ ვაიძულოთ ბავშვები, ყოველდღე ისხდნენ 3 და 4 ონლაინგაკვეთილზე გადაბმულად..." - მაია მენაბდის რჩევები კოლეგებს
"არ ვაიძულოთ ბავშვები, ყოველდღე ისხდნენ 3 და 4 ონლაინგაკვეთილზე გადაბმულად..." - მაია მენაბდის რჩევები კოლეგებს
გამოცდილი პედაგოგი მაია მენაბდე ავრცელებს პოსტს მასწავლებლებისა და მშობლებისთვის, რომელიც ნამდვილად საყურადღებოა:

#დინსტანციურისწავლება

ჩემი მოკრძალებული აზრით, ამ კრიტიკულ სიტუაციაში ჩვენ, მასწავლებლებს, გვევალება:

  • არ მოვინდომოთ, იმდენივე საათი ჩავუტაროთ ბავშვებს, რამდენსაც სკოლაში ვუტარებდით;
  • არ დავგეგმოთ სახელმძღვანელოს ამოწურვა, მხოლოდ საკვანძო და მნიშვნელოვანი საკითხები ამოვკრიფოთ;
  • მოვიფიქროთ სახალისო, საინტერესო, აუცილებელი უნარების განმავითარებელი დავალებები;
  • არ ვაიძულოთ ბავშვები, ყოველდღე ისხდნენ 3 და 4 ონლაინგაკვეთილზე გადაბმულად;
  • მოვახერხოთ, თითოეული გაკვეთილი დაწყებითი და საბაზო საფეხურისთვის არ აღემატებოდეს 30 წუთს.
  • არ გვქონდეს მოლოდინი, რომ ონლაინგაკვეთილებზე სრული დასწრება გვექნება ( ვერდასწრების უამრავი მიზეზი შეიძლება, არსებობდეს);
  • არავითარ შემთხვევაში არ ვიყოთ
    კატეგორიულები დავალებების ჩაბარების დროს;
  • დავალების შესასრულებლად უნდა მივცეთ 2-3 დღე მაინც და გავითვალისწინოთ სხვა კოლეგების დავალებებიც;
  • დავალება შევაფასოთ კომენტარებით და არა ნიშნებით;
  • არ ვიკეკლუცოთ ჩვენი ჩატარებული ონლაინგაკვეთილებით;
  • რაც მთავარია, არ დაგვავიწყდეს, რომ ასეთ საყოველთაოდ დაძაბულ სიტუაციაში, ჩვენ, პირველ რიგში, მათი ცხოვრების ,,გაშინაარსიანება“ მოგვეთხოვება და არა მათი ვალდებულებების მარწუხებში მოქცევა.

და ჩვენ, მშობლებს, გვევალება:

  • გადავმალოთ ჩვენი ნევროზები, შიშები და
    დაძაბულობა შვილებისგან შორს;
  • დავეხმაროთ მათ, ერთმანეთს შეუნაცვლონ სხვადასხვა აქტივობა: ხატვა, კითხვა, ფილმების ყურება, თამაში, მეცადინეობა...
  • ვისარგებლოთ უჩვეულო შესაძლებლობით, დიდი დრო გავატაროთ მათთან;
  • მაქსიმალურად დავეხმაროთ ბავშვებს, ფეხი აუწყონ ახალ გამოწვევას, მაგრამ არ მოვთხოვოთ მათ, თავები ურტყან დავალებებს;
  • არ მოვთხოვოთ მასწავლებლებს, ატარონ ყოველდღე, საათიანი გაკვეთილები და არ ვაკრიტიკოთ ისინი გამუდმებით - მათთვისაც ურთულესია ამ სიტუაციაში მუშაობა;
  • და რაც მთავარია, არ დაგვავიწყდეს, რომ ბავშვებისთვის უფრო დიდი სტრესია დახურულ კარს მიღმა ცხოვრება, ვიდრე ჩვენთვის.

აი, ჩვენ, მასწავლებელ-მშობლები, რა წყალში გადავცვივდეთ, ეგ აღარ ვიცი.

პ.ს. ეს გამომრჩა - შაბათ-კვირა ისევ დასვენების დღეებია".

alt„რამდენჯერმე კამერაც კი გამითიშეს“ - წაიკითხეთ, როგორ აფასებენ ონლაინსწავლებას მშობლები და მასწავლებლები


21122
ბეჭდვა
მოგვწერეთ თქვენი შეკითხვები და მოსაზრებები
კომენტარები (4)
ირმა
0
ეს ონლაინ გაკვეთილები არის სრული კოშმარი, ბავშვზე რომ არაფერი ვთქვა მეც დავნევროზდი.როდის დამთავრდება ეს კოშმარი?ძალიან ბევრი ხარვეზია და ძალიან ბევრი პრობლემა რომლებსაც აქ ვერ ჩამოვთვლი ნამდვილად.არ მიმაჩნია სწორად აქ ონლაინ გაკვეთილებით მოსწავლეების შეფასება.სხვაგან რა ხდება არ ვიცი, მაგრამ ჩემი შვილის კლასში არ მომწონს
16:46 / 16-04-2020
ნიტა
0
ზუსტად ვიცი რომ ამ ონლაინ გაკვეთილმა ისედაც დაძაბულ სიტუაციაში გამიჩინა ნერვოზი,და ბავშვებიც დავანერვოზე იმის მოსმენით რომ ისწავლე ისწავლე ,სწრაფად რომ მასწავლებელს უნდა გადუგზავნო დავალებები გარკვეულ დრომდე.
01:48 / 06-04-2020
მსგავსი სიახლეები

გამოკითხვა
რომელია თქვენი ბავშვის საყვარელი მულტფილმი?