სკოლებში ორი უცხო ენის სწავლება კვლავ სავალდებულო იქნება - განათლების სამინისტროს განცხადება
სკოლებში ორი უცხო ენის სწავლება კვლავ სავალდებულო იქნება - განათლების სამინისტროს განცხადება
საქართველოს განათლებისა და მეცნიერების სამინისტროს ინფორმაციით, ორი უცხო ენის სწავლება მოსწავლეებისთვის კვლავ სავალდებულო იქნება. უწყება მედიით გავრცელებულ ინფორმაციას ეხმაურება და განმარტავს, რომ ინგლისური ენა პირველი კლასიდან ისწავლება, ხოლო მეორე სავალდებულო უცხო ენას მოსწავლე მე-5 კლასიდან სკოლის მიერ შეთავაზებული ენებიდან თავად აირჩევს.

„ბოლო დღეებში, მედიით ვრცელდება არასწორი ინფორმაცია, რომლის თანახმად, საჯარო სკოლებში მეორე უცხო ენის სწავლება არა სავალდებულო, არამედ არჩევითი გახდება.

საქართველოს განათლებისა და მეცნიერების სამინისტრო ერთმნიშვნელოვნად აცხადებს, რომ ინფორმაცია არ შეესაბამება სიმართლეს. პირიქით, სამინისტროს მიზანია, სკოლებში უცხო ენების სწავლების კიდევ
უფრო მაღალი სტანდარტი დამკვიდრდეს.

შესაბამისად, სამინისტრო განმარტავს, რომ ეროვნული სასწავლო გეგმის განვითარების პროცესში, უცხო ენებს მომავალში კიდევ უფრო დიდი მნიშვნელობა მიენიჭება. ორი უცხოური ენის სწავლება მოსწავლეებისთვის კვლავ სავალდებულო იქნება – ინგლისური ენა პირველი კლასიდან, ხოლო მეორე სავალდებულო უცხო ენას, მოსწავლე მე-5 კლასიდან სკოლის მიერ შეთავაზებული ენებიდან თავად აირჩევს.

უფრო მეტიც, სკოლებს ექნებათ ვალდებულება, მეორე სავალდებულო უცხო ენის ფარგლებში, მოსწავლეებს ასარჩევად მინიმუმ ორი ენა შესთავაზონ, თავად მისცენ არჩევანის თავისუფლება და ენების მაღალ დონეზე სწავლება უზრუნველყონ“, – აღნიშნულია განათლების სამინისტროს მიერ გავრცელებულ ინფორმაციაში.
3078
ბეჭდვა
მოგვწერეთ თქვენი შეკითხვები და მოსაზრებები
კომენტარები (3)
* *
0
უცხო ენის სწავლა _მაშინ უნდა დაიწყო როცა მშობლიურის წერა-კითხვა უკვე შეგიძლია. მესამე კლასსზე ადრე არაა საჭირო.
19:26 / 07-03-2018
2
ერთი წლის ასაკიდან რომ ვასწავლოთ უკეთესი ხომ არ იქნება? პირველი კლასიდან ძალიან დაგვიანებულია!
22:20 / 15-02-2018
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?