მე-4 და მე-6 კლასელი მოსწავლეები გამოცდებს ჩააბარებენ - რომელ საგნებში ჩატარდება ტესტირება
მე-4 და მე-6 კლასელი მოსწავლეები გამოცდებს ჩააბარებენ - რომელ საგნებში ჩატარდება ტესტირება
"შეფასება განვითარებისთვის" ასე ჰქვია შეფასებისა და გამოცდების ეროვნული ცენტრის ახალ პროექტს, რომელიც ქართულ ენასა და ლიტერატურაში (წიგნიერება) და მათემატიკაში (რაოდენობრივი წიგნიერება) მე-4 და მე-6 კლასების მოსწავლეების ტესტირებას ითვალისწინებს.

ნაეკის ინფორმაციით, სპეციალურად პროექტისათვის იქმნება სასკოლო შეფასების ელექტრონული პლატფორმა, რომლის საშუალებითაც დარეგისტრირდებიან მოსწავლეები და ამავე პლატფორმაზე გაივლიან ტესტირებას.

შედეგები დაეხმარება მოსწავლეებსა და მშობლებს, თვალი ადევნონ სასწავლო პროცესის პროგრესს და მიიღონ ინფორმაცია სასწავლო საჭიროებების შესახებ. პროექტი სკოლას შესაძლებლობას მისცემს, დააკვირდეს სწავლა-სწავლების ტენდენციებს როგორც
ცალკეული კლასის, ასევე ზოგადად, სკოლის დონეზე.

mshoblebi

გამოცდების ეროვნული ცენტრის ინფორმაციით, მიღებული შეფასება მოსწავლის წლიურ შეფასებაზე არ აისახება.

ელექტრონული პლატფორმა 2020 წლის დასაწყისში გამოიცდება, გაზაფხულზე კი დაიწყება პროექტის პილოტირება.

"პირველ ეტაპზე მასში 200-მდე სკოლის მე-4 და მე-6 კლასელი მოსწავლეები ჩაერთვებიან. მომავალში ამ პროექტში მე-10 კლასელების ჩართვაც იგეგმება", - ნათქვამია ნაეკის განცხადებაში.


პროექტი "შეფასება განვითარებისათვის" მოიცავს:

მოსწავლეების ტესტირებას ელექტრონული ფორმატის საშუალებით - მოსწავლეები წინასწარ დარეგისტრირდებიან და ტესტირებას გაივლიან ელექტრონულად;

შეფასების შედეგების ასახვას
- მოსწავლეს, მასწავლებელს, სკოლის ადმინისტრაციას, მშობელს საკუთარი მომხმარებლის სახელი ექნება, რომლებითაც შეძლებენ სისტემაში შესვლას.

შედეგების ანალიზი საშუალებას მისცემს:

მასწავლებლებს
- დააკვირდნენ ამა თუ იმ მოსწავლის განვითარებას და გაიგონ, რა პრობლემები აქვს მას სწავლის
დროს; ასევე, დააკვირდნენ კლასში გამოკვეთილ ტენდენციებს; დაგეგმონ შესაბამისი ინტერვენციები როგორც კონკრეტული მოსწავლის, ასევე საკლასო დონეზე;

მშობლებს - დააკვირდნენ შვილის პროგრესს და ჩართულნი იყვნენ სასწავლო პროცესში;

სკოლებს - შეფასებებისა და მონაცემთა ანალიზის საფუძველზე დაამუშაონ და შეადგინონ სკოლის განვითარების სტრატეგია.

11159
ბეჭდვა
მოგვწერეთ თქვენი შეკითხვები და მოსაზრებები
კომენტარები (2)
Maia
0
Yovel semestris bolos unda iyos yvela saganshi testirebebi da ara gamocdebi upro iscavlian mere bavshvebi
02:39 / 29-10-2019
ნინო გორდელაძე
0
სასურველია, გამოცდის ჩაბარება არ ვუწოდოთ, ეს შეფასებაა, დანარჩენი ყველაფერი სწორად არის გადმოცემული.
17:30 / 26-10-2019
მსგავსი სიახლეები
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?