"არ მომილოცოთ, არ მიხარია... მედალი იმიტომ წამოვიღე, რომ ყოველთვის მახსოვდეს, რას უშვრება განათლების სისტემა ადამიანს" - ოქროს მედალოსნის მოულოდნელი სიმართლე
"არ მომილოცოთ, არ მიხარია... მედალი იმიტომ წამოვიღე, რომ ყოველთვის მახსოვდეს, რას უშვრება განათლების სისტემა ადამიანს" - ოქროს მედალოსნის მოულოდნელი სიმართლე
სტუდენტი ეთო ხაბურზანია, რომელმაც სკოლა ოქროს მედალზე დაამთავრა, ფეისბუქზე განმარტავს, თუ რატომ არ უხარია ოქროს მედლის მიღება, რომელიც სკოლის დამთავრებიდან 2 წლის შემდეგ გადასცეს.

"2.5 წლის წინ დავამთავრე სკოლა, მაგრამ დღეს ავიღე ოქროს მედალი, რომელსაც არათუ ახლა, არამედ მაშინაც არანაირი სარგებელი არ მოუტანია.
2.5 წელია ველოდები ამ დღეს, როდის დავწერ ყველაფერს, რაც 12 წლის განმავლობაში დამიგროვდა.
ჩემი თანატოლები მადლობის ტექსტებს წერენ, უხარიათ, აღნიშნავენ, თითქოს იდეალური განათლების სისტემა გვქონდეს.
მე კი იმდენად შემაძულეს სკოლა, ბოლო ზარის შემდეგ მხოლოდ დღეს მივედი და
თანაც უკანასკნელად.
შეუძლებელია 12 წლის
განმავლობაში ნანახისა და მოსმენილის ერთ პოსტში ჩატევა, მაგრამ ვიტყვი ყველაზე მთავარს: განათლების სისტემა არ არის მორგებული მოსწავლეზე. განათლების სისტემას ადამიანი არ უყვარს. განათლების სისტემას არ სურს განათლებული თაობის აღზრდა.
თითოეული ადამიანი განსხვავებული და უნიკალური ინდივიდია, მრავალფეროვანი მიზნებითა და სურვილებით. იმის ნაცვლად, რომ თითოეულში ეს უნიკალურობა იპოვონ და გააღვივონ, პირიქით, თავისუფლებას უზღუდავენ და უკლავენ ყველაზე მთავარს, ინტერესებს.
ამ მრვალფეროვან ადამიანებს ერთ ქვაბში ხარშავენ და ყველას ყველაფრის დაზუთხვა თანაბრად მოეთხოვება, მანამ, სანამ ქულებით დიფერენცირება არ დაიწყება.
ეს მედალი ამბობს, რომ ყველა საგანში თანაბრად "ნიჭიერი" ვარ, თანაბრად "განათლებული" და ყველაფერი "ათიანზე" ვიცი. მე გეტყვით, რომ ეს ასე არ არის. რამდენიმე საგანში გრამიც აღარ მახსოვს და მეტიც, თავის დროზეც არ ვიცოდი სათანადოდ. რამდენიმე საგანში ჩემზე ბევრად კომპეტენტური და ნიჭიერი კლასელი მყავდა, მაგრამ იმათ ექვსიანი ჰქონდათ, მე ათიანი. ამ მემკვიდრეობითმა კარგმა მოსწავლეობამ ისე გამაზარმაცა, რომ აღარ მეკითხებოდნენ, აღარც ვსწავლობდი და ეს რამდენიმე მასწავლებელმა ვერც გაიგო, ან შეამჩნია და გაუგებარი მიზეზის გამო თვალი დახუჭა.
ზემოთ დაზუთხვა სწორად აღვნიშნე. დღევანდელ სასწავლო მასალას არაფერი აქვს საერთო რაიმეს გააზრებასთან და გამოცლილია შინაარსისგან. მასალა პასუხობს შეკითხვებს: რა? სად? როდის? მაგრამ ხშირ შემთხვევაში არ პასუხობს შეკითხვებს: რატომ? რისთვის? მიზანი რა იყო? საფუძველი რა ჰქონდა?
მართალია 12 წლის განმავლობაში "რაღაც კარგიც ხდებოდა", მაგრამ ცუდს ხომ უფრო მარტივად ვიმახსოვრებთ. ეს იმიტომ, რომ ცუდი უფრო გვტკივა.
კონკრეტულ ქეისებს არ დავწერ, მაგრამ ვიტყვი, რომ მე ჩემს სკოლას დღემდე ვერ ვპატიობ ჩემ კლასელებს როგორც ექცეოდა. ყველა მახსოვს, ყველაფერი თვალწინ მიდგას, ყველა შეურაცხყოფა, თითოეული დამცირება, ყველა წყენა, თითოეული ბულინგი.
მე ვერ ვპატიობ ჩემ სკოლას, ზოგ მათგანს თავისუფლება რომ წაართვა და საკუთარი თავის წარმოჩენის საშუალება არ მისცა.
მე ვერ ვპატიობ ჩემ სკოლას, ადამიანი რომ არ უყვარდა.
ძალიან უნდა გაგიმართლოს მასწავლებელში, ადამიანი რომ უყვარდეს და ინდივიდის განვითარებისკენ იყოს მიმართული. კი, იმედის ნაპერწკალებიც არსებობენ, ასეთი სულ ერთ ხელზე ჩამოსათვლელი მყავს და თითოეულმა იცის როგორ ვაფასებ და რამხელა წვლილი მიუძღვით ჩემს ჩამოყალიბებაში.
ეს მედალი კი დღეს იმიტომ წამოვიღე, რომ ყოველთვის მახსოვდეს, რას უშვება განათლების სისტემა ადამიანს, სად არ მინდა ჩემი შვილის მიყვანა, და რისი შეცვლა მინდა. ამაში მოსალოცი საერთოდ არაფერი მგონია.
პ.ს ბოდიში ვისაც იმედი გავუცრუე, მაგრამ 2.5 წელი ვითმენდი და ნაკლები იმედგაცრუება არც მე მინახავს," - წერს ეთუნა ხაბურზანია.

alt"განათლების სისტემა რომ კრიტიკულ მდგომარეობაშია, ეს სკოლის ბრალი არ არის... " - კიდევ ერთი ოქროს მედალოსანი სკოლაში გატარებული წლების შესახებ


118792
ბეჭდვა
მოგვწერეთ თქვენი შეკითხვები და მოსაზრებები
კომენტარები (47)
123
1
ჩემი ბავშვის სკოლაში, ტურმე მინიმუმ 5 მედლის კანდიდატია!!!! გასაგვირი არ არის? და აქედან 2 ონლაინ გაკვეთილებზე საერთოდ არ დადიოდა!!!! ისე ინნა 6 ძირითადი საგნის მეტს მაინც არ სწავლობენ და შენ ადვილი გგონია 6 სხვადასხვა საგნის სწავლა ამ სახელმძღვანელეობით და უკიდეგანოდ ბევრი დავალებებით?!!!!!!!!!!!!!!! შეიძლება ერთ სემესტრში ისწავლებოდეს მთელი წიგნი "ვეფხისტყაოსანი", კიდე სულხან-საბას იგავ-არაკები და კიდე დავით გურამიშვილის "დავითიანი"? წარმოიდგინეთ რა იქნება ამ უაზრო მცდელობის შედეგი, სულაც უჭკვიანესი და შრომისმოყვარე რომ იყოს ბავშვი?!!!!
09:08 / 20-05-2022
ინნა
1
ზედმეტად სთხოვენ ბავშვებს ყველა საგანში შემაჯამებლებს. ბავშვი უნდა ირჩევდეს 4 საგანს რაც მას აინტერესებს და +ქართული და საქართველოს ისტორია უნდა იყოს სავალდებულო. ანუ 6 საგანს ისწავლის, დანარჩენი ჩათვლის დონეზე უტარდებოდეს. ეცოდინებათ სამშობლოს ღირებულებები და თავიდანვე განვითარდებიან არჩეულ პროფესიებში.
15:39 / 19-02-2022
სალომე
8
ჩემი ორი შვილი სკოკის მოსწავლეა და ვთვლი,რომ ის 12 წელი, როცა ბავშვის ტვინი ღრუბელივით ისრუტავს ყველაფერს არის დაკარგული. ჩამყაყებული კომუნისტებისდროინდელი მიდგომა და სფეციფიკა, მუშახელად ამზადებენ თაობებს. იცვლება მარტო წიგნები, ისიც იმიტომ რომ ყოველი ახალი წიგნის გამომცემელი ამით უამრავ ფულს შოულობს და წიგნები ცოტა ხმამაღალი ნათქვამია: სრული ქაოსი და გაურკვეველი იდიოტიზმები. ჩამყაყებული განათლების სისტემა და რომელი მთავრობაც მოდის მმართველობაში, მათ მიერ დანიშნული კომუნოსტი და ერთუჯრედიანი დირექტორები. მეზიზღება ქართული განათლების სისტემა.
00:52 / 08-01-2022
ნატა
1
სიმართლე არავის მოწონს, არა და ფაქტია! სრულიად ვეთანხმები ამ გოგონას. 10% პედაგოგებისა თუ იქნება, ვინც მართლა იხარჯება ბავშვებთან, ჩემი ქება და მადლობა მათ! ბედნიერი ვარ, რომ ასეთებიც იყო ჩემი ცხოვრების გზაზე
14:21 / 27-12-2021
kaxa
1
ხოდა გადაადნე ...
08:16 / 27-12-2021
myquiz
მსგავსი სიახლეები