კერძო და საჯარო ბაღები ამ ეტაპზე არ გაიხსნება
კერძო და საჯარო ბაღები ამ ეტაპზე  არ გაიხსნება
ამ ეტაპზე კერძო და საჯარო ბაღები არ გაიხსნება. ამის შესახებ ვიცე-სპიკერმა, რეგიონული განვითარებისა და ინფრასტრუქტურის მინისტრმა, მაია ცქიტიშვილმა მთავრობის სხდომის დასრულებისას განაცხადა.

“ამ ეტაპზე კერძო და საჯარო ბაღები არ იხსნება. ამ ეტაპზე სკოლები იხსნება 15 თებერვლიდან. როდესაც დამატებით მობილობა იქმნება სადღაც, არ შეიძლება ყველაფერი ერთად გაიხსნას. რა თქმა უნდა, ამ შემსუბუქების გეგმის ფარგლებში ვუყურებთ იმას, თუ რომელი სეგმენტია ყველაზე მნიშვნელოვანი და აუცილებელი. სკოლები უფრო მნიშვნელოვანია, ამ ეტაპზე, ვიდრე ბაღები. ბაღების ჯერიც აუცილებლად დადგება",-აცხადებს ცქიტიშვილი.
თბილისის საბავშვო ბაგა-ბაღების მართვის სააგენტოში განაცხადეს,
რომ გახსნის ოფიციალურ თარიღად პირველი მარტი რჩება. თუმცა, ნებისმიერი ცვლილების შესახებ ინფორმაცია წინასწარ გამოქვეყნდება.

სააგენტოში ასევე აღნიშნეს ისიც, რომ ბაგა-ბაღები მზადაა გასახსნელად და ყველა რეკომენდაცია გათვალისწინებულია.
შეგახსენებთ, თბილისის, რუსთავისა და ქუთაისის სკოლებში სასწავლო პროცესი 15 თებერვლიდან განახლდება.
643
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები