ფსიქოლოგი ირმა კვაჭაძე ძალიან საინტერესო და საგულისხმო თემასთან დაკავშირებით საუბრობს სოციალურ ქსელში. მის პოსტს უცვლელად გთავაზობთ:
"ბაღისა და სასკოლო ასაკის ბავშვის თითის ფალანგებია ფოტოებზე, და ეს არის ერთ-ერთი მიზეზი იმისა, თუ რატომ არ ღირს, ბავშვს ასაკზე ადრე მოვთხოვოთ წერის უნარის განვითარება, უბრალოდ, მისი სხეული ფიზიოლოგიურად არ არის ამისთვის მზად. (ამიტომაც არ უნდა იწონებდნენ ბაღები და პრესქულები თავს "გამართულ წერას ვასწავლით" ფრაზით.) ამასთან, რაც უფრო ბევრს ითამაშებს ბავშვი ქვიშაში, გამოძერწავს, დახატავს და განავითარებს წვრილ მოტორიკას, თითების ბალიშებზე არსებული ნეირონული დაბოლოებების ვარჯიშით, პირდაპირპროპორციულად გავარჯიშდება თავის ტვინიც. ახლა უკვე იცით, როგორ უნდა მოხდეს ბავშვის "სასკოლო მზაობის" გაუმჯობესება - ამ ფრაზის გავრცელებული ინტერპრეტაცია კიდევ საკამათოა, მე თუ მკითხავთ. სასკოლო მზაობას, ფიზიოლოგიური ასაკი არ განსაზღვრავს".