9 ვიტამინი ტვინისთვის: რომელი პროდუქტები აუმჯობესებენ მეხსიერებას და ტვინის მუშაობას
Prev
2 / 3
Next


3. B6 ვიტამინი
ეს ვიტამინი ხელს უწყობს ისეთი ნივთიერებების წარმოქმნას, როგორიცაა: დოფამინი, ადრენალინი, ნორადრენალინი, გამა - ამინომჟავა და აცეტილქოლინი. ხელს უშლის დეპრესიის განვითარებას. ვიტამინ B6-ის დეფიციტმა შეიძლება მეხსიერების დაკარგვა, დაღლილობა, დეპრესია, უძილობა და თავის ტვინის ნაადრევი დაბერება გამოიწვიოს.
რომელ პროდუქტებში ვხვდებით B6 ვიტამინს? - კვერცხი, ყავისფერი ბრინჯი, კარტოფილი, ინდაურის, საქონლის, ქათმის ხორცი, ზღვის პროდუქტები, წიწაკა, არაქისი, კაკალი, ისპანახი, სტაფილო, ბროკოლი, ფარელი...

4. В9 ვიტამინი

ეს ვიტამინი ცნობილია ფოლიუმის მჟავის სახელწოდებით. ჯერ კიდევ ბავშვის დაბადებამდე მისი თავის ტვინის სწორი განვითარებისთვის აუცილებელია დედისთვის ამ ვიტამინის მიღება. ფოლიუმის მჟავა ეხმარება უჯრედს გამრავლებაში და ახალი უჯრედების წარმოქმნაში. ვიტამინ В9-ის დეფიციტმა შეიძლება გამოიწვიოს ინსულტი. ასევე ბავშვებში ამ ვიტამინის ნაკლებობამ შეიძლება განვითარების შეფერხება გამოიწვიოს. რომელ პროდუქტებშია ვიტამინ В9? - ეს პროდუქტებია: ხილი (ბანანი, ფორთოხალი, ნესვი, ავოკადო), მარცვლეული, ისპანახი, ყავისფერი ბრინჯი, ბოსტნეული, და არაქისი.

5. B12 ვიტამინი

ვიტამინი B12 წარმოადგენს ერთ-ერთ მნიშვნელოვან კომპონენტს ტვინის ნორმალური ფუნქციონირებისათვის. თუ ამ ვიტამინის დონე ნორმაზე ქვევითაა, ეს შეიძლება გახდეს მიზეზი შემდეგი პრობლემების განვითარებისა: გაფანტულობა და მეხსიერების დაკარგვა, ხასიათის ხშირი ცვალებადობა, აზროვნების შეფერხება და ალცჰაიმერის დაავადების განვითარება. B12-ს შეიცავს შემდეგი პროდუქტები: ხორცი (ქათამი, ინდაური, საქონლის ხორცი) წითელი თევზი და ზღვის პროდუქტები, კვერცხი, მარცვლეული, რძის პროდუქტები მათ შორის ყველი, იოგურტი, ხაჭო და სხვა.

6. С ვიტამინი
С ვიტამინი ცნობილია როგორც ასკორბინის მჟავა. იგი წარმოადგენს ძლიერ ანტიოქსიდანტს, რომელიც იცავს ტვინს სტრესისა და დეგენერაციისაგან. С ვიტამინი Е ვიტამინთან კომბინაციაში ხელს უშლის დემენციის ისეთი ტიპის დაავადებებს, როგორიცაა პარკინსონი და ალცჰაიმერი. ასევე იცავს რესპირატორული, გულ-სისხლძარღვთა და ონკოლოგიური დაავადებების განვითარებისგან. გამოკვლევებით დადგინდა, რომ С ვიტამინი აქვეითებს ბავშვებში თავის ტვინის სიმსივნის განვითარების რისკს. ასევე ეს ვიტამინი ეხმარება ორგანიზმს რკინის შეთვისებაში.
mshoblebi
С ვიტამინს ხალხში "ბუნებრივ ანტიდეპრესანტს" უძახიან, რადგან ის ამაღლებს სეროტონინის დონეს, ანუ ამაღლებს ჩვენს გუნება- განწყობას და ამაღლებს მოტივაციას. С ვიტამინით მდიდარი პროდუქტებია: ფორთოხალი, გრეიფრუტი, მანდარინი, ლიმონი, ნესვი, ანანასი, ყვავილოვანი კომბოსტო, მარწყვი, პომიდორი, ისპანახი, ბროკოლი... ანუ ძირითადად ამ ვიტამინით მდიდარია ციტრუსები და მწვანე ბოსტნეული.

გადაფურცლეთ შემდეგ გვერდზე
Prev
2 / 3
Next
154045
ბეჭდვა
მოგვწერეთ თქვენი შეკითხვები და მოსაზრებები
კომენტარები (3)
ამას რა უშველის? :)
0
ხანში შესული მამაკაცი აღფრთოვანებული უყვება სტუმრებს: ისეთი კარგი ექიმი ვიპოვეთ, საერთოდ მომირჩინა სკლეროზი... - უი, რა კარგია!.. ექიმის გვარს ხომ არ გვეტყოდით?? - მმმმ... რა ჰქვია ეკლებიან ყვავილს რუსულად? - როზა? - როზა! - გასძახა ცოლს სამზარეულოში, - რა გვარია ჩვენი ექიმი?
03:29 / 24-10-2019
ამას რა შველის? :)
2
ხანში შესული მამაკაცი აღფრთოვანებული უყვება სტუმრებს: ისეთი კარგი ექიმი ვიპოვეთ, საერთოდ მომირჩინა - უი, რა კარგია!.. ექიმის გვარს ხომ არ გვეტყოდით?? - მმმმ... რა ჰქვია ეკლებიან ყვავილს რუსულად? - როზა? - როზა! - გასძახა ცოლს სამზარეულოში, - რა გვარია ჩვენი ექიმი?
03:26 / 24-10-2019
მსგავსი სიახლეები
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?