რამდენ საათს უნდა ეძინოს ბავშვს სხვადასხვა ასაკში და რა უშლის ხელს დაძინებაში ძილი - სასიცოცხლოდ აუცილებელი პროცესია, მაგრამ უფროსებთან ყველაფერი მარტივადაა. ჩვენ ვისწავლეთ, რომ როდესაც ძილის ხარისხი ან ხანგრძლივობა მოქმედებს ჩვენს ხასიათზე - ვცდილობთ, როგორმე გამოვასწოროთ ეს პრობლემა. როდესაც საქმე ბავშვებს ეხება, ხშირად არ გვესმის ერთი რამ: რამდენი ხანი უნდა ეძინოთ ბავშვებს, რატომაა ზოგჯერ რთული მათი დაძინება და როგორ შეიძლება იმოქმედოს ძილმა მის ჯანმრთელობაზე, ქცევასა და აკადემიურ მოსწრებაზე?
არსებობს ბავშვის ძილის საათობრივი ნორმები
ასაკის მატებასთან ერთად, რა თქმა უნდა, იცვლება მაჩვენებლები.
ახალშობილები (0-დან 3 თვემდე): 14-17 საათი ყოველდღე.
პატარები (4 დან 11 თვემდე): 12-15 საათი.
• ბავშვები (1-დან 2 წლამდე):11-14 საათი
• ბავშვები (3-დან 5 წლამდე): 10-13 საათი.
• ბავშვები 6-13 წლამდე:9-11 საათი.
• მოზარდები (14-17): 8-10 საათი.
ბევრ ბავშვს - განსაკუთრებით მოზარდებს არ ჰყოფნით ძილი
სინამდვილეში, ძილის ნაკლებობა ყველაზე გავრცელებული დარღვევაა ბავშვებსა და მოზარდებს შორის. ძილის ნაკლებობის გამო ბავშვი შეიძლება გახდეს კაპრიზული, გაღიზიანებული ან პირიქით, ძალიან აქტიური. მოზარდებში ძილის ნაკლებობამ შეიძლება გამოიწვიოს სწავლაში ჩამორჩენა, ხასიათის ცვალებადობა და დილით გაღვიძების გაძნელება. თუ ბავშვი იძინებს თავის დროზე, მაგრამ მაინც არ არის ენერგიული, თუ ძილის დროს ხვრინავს, ხშირად იღვიძებს, აწუხებს მოუსვენარი ფეხების სინდრომი, ამ შემთხვევაში უნდა მიმართოთ მკურნალ ექიმს.
როგორ გავიგოთ, საკმარისად სძინავს თუ არა თქვენს ბავშვს?
ამისათვის უნდა უპასუხოთ 4 კითხვას:
1. უჭირს თუ არა ბავშვს დილით ადგომა?
2. დასვენების დღეებში დგება თუ არა 2 საათით გვიან, ვიდრე სამუშაო დღეებში?
3. იძინებს თუ არა ბავშვი ტრანსპორტში, გაკვეთილზე ან ისეთ დროს, როდესაც ძილის დრო არ აქვს?
4. ეცვლება თუ არა ხასიათი იმ შემთხვევებში, როდესაც დიდხანს სძინავს? ამ დროს უფრო აქტიური და სიცოცხლისუნარიანი ხდება თუ არა?
თუ ამ კითხვებიდან ერთზე მაინც უპასუხეთ დადებითი პასუხი, ე. ი. საჭიროა ძილის რეჟიმის კორექცია.
გადაფურცლეთ შემდეგ გვერდზე
{{ArticleSplitCont}}
ის, რომ ბავშვები ჭამენ და სვამენ სკოლის შემდეგ - მოქმედებს ძილზე
ბევრი მშობელი არ უფიქრდება იმას, რომ თუ დღის მეორე ნახევარში კოფეინის შემცველი პროდუქტი მისცა ბავშვს, ამან შეიძლება ჩაძინებაში ხელი შეუშალოს. ასეთ პროდუქტებს მიეკუთვნება ჩაი, ყავა და კოლა.
ძილზე მოქმედებს დიდი დატვირთვა სკოლის შემდეგ.
ძალიან კარგია, როდესაც სკოლის გარდა ბავშვი დაკავებულია სხვადასხვა წრეებით. მაგრამ ამან შეიძლება ხელი შეუშალოს ბავშვს ჩაძინებაში. გადაღლა და აღზნება ხელს უშლის ჩაძინებაში. ამიტომ ყველა აქტიური ვარჯიშები, ცეკვები ან რეპეტიტორთან მეცადინეობა უნდა დასრულდეს 21:00-ზე.
საშინაო დავალებების დიდი რაოდენობაც იწვევს ძილის დაღვევებს
განსაკუთრებით ეს ეხება უფროსკლასელებს, რომელთაც ძალიან ბევრი სამეცადინო აქვთ. თუ მოზარდი ხშირად გვიანობამდე ზის საშინაო დავალებების მოსამზადებლად, ეს არ შეიძლება არ აისახოს მისი ძილის ხარისხსა და ჯანმრთელობის მდგომარეობაზე.
ძილის ნაკლებობა იმუნიტეტზე მოქმედებს
სისტემატიური უძილობის დროს ორგანიზმში გამომუშავდება ციტოკინების (ჰორმონების მსგავსი ცილა და პეპტიდები, რომლებიც იმუნური სისტემის უჯრედებთან სინთეზირდება) რაოდენობა. შედეგად იმუნიტეტი სუსტდება და ბავშვი ხშირად ავადმყოფობს. ადამიანები, რომლებსაც 6 საათზე ნაკლები სძინავთ, ხშირად ავადმყოფობენ.
თუ ბავშვი გვიან წვება დასაძინებლად, ეს მის აკადემიურ მოსწრებაზე ცუდად აისახება
ნორვეგიის და კალიფორნიის უნივერსიტეტების კვლევის თანახმად, გამოკვლეული 1000 მოზარდიდან ვინც 22-23:00 საათზე იძინებდა, მაღალი აკადემიური მოსწრება ჰქონდათ იმათთან შედარებით, ვინც გვიანობამდე არ იძინებდა.
ძილი გავლენას ახდენს ბავშვის წონაზე.
კიდევ ერთი კვლევის შედეგი იქნა ცნობილი, რომელიც 5 წლის მანძილზე მიმდინარეობდა: ძილის უკმარისობა ზეგავლენას ახდენს ბავშვის წონის ინდექსზე. მოზარდებში ძილის უკმარისობა გაცხიმოვნებას იწვევს.
ტელეფონი ხელს უშლის დაძინებას
არ დართოთ ნება ბავშვებს და მოზარდებს, რომ საწოლში პლანშეტს ან ტელეფონს უყურონ. როდესაც მშობელი შუქს აქრობს საძინებელში, ბავშვს კიდევ ერთი საათი შეუძლია ითამაშოს ტელეფონზე, ათვალიეროს ვიდეორგოლები ან სოციალურ ქსელში იკონტაქტოს თანატოლებთან. ეს ქმედება ხელს უშლის და კიდევ უფრო ახანგრძლივებს დაძინების პროცესს. ძილის წინ გამოართვით ტელეფონი (პლანშეტი) და ჩართეთ დატენვაზე - მაგალითად, სამზარეულოში.
ელექტრონული მოწყობილობები ბიოლოგიურ დონეზე მოქმედებს ძილზე - ექიმები არ უჩევენ არავის გაჯეტებთან ერთად დაძინებას, განსაკუთრებით ბავშვებს. ცისფერი შუქი, რომელიც ანათებს ტელეფონიდან თუ სმარტფონებიდან, თრგუნავს მელატონინის ( ძილის ჰორმონის) გამომუშავებას.ძილი ხდება ზედაპირული და ორგანიზმი ვერ ისვენებს სათანადოდ. გარდა ამისა, ბავშვებს შუქზე მგრძნობელობა უფრო მაღალი აქვთ, ვიდრე მოზრდილებს.
მოამზადა სალომე გორგოშიძემ