"ძალიან იშვიათად სჭირდება ბავშვს წამალი... ბევრი პრობლემა მშობლის შეცდომის გამოა " - ნევროლოგ ბაკურ კოტეტიშვილის რჩევები
"ძალიან იშვიათად სჭირდება ბავშვს წამალი... ბევრი პრობლემა მშობლის შეცდომის გამოა " - ნევროლოგ ბაკურ კოტეტიშვილის რჩევები
პედიატრების შემდეგ ყველაზე ხშირად მშობლები ბავშვთა ნევროლოგებს მიმართავენ. მიზეზი შეიძლება უამრავი იყოს, რადგან ყველაზე ხშირად მშობლები სწორედ ნევროლოგიურ პრობლემებს აბრალებენ ბავშვის მიუღებელ ქცევას. ცნობილი ნევროლოგი ბაკურ კოტეტიშვილი mshoblebi.ge-ს კითხვებს პასუხობს.

- დღეს ყველა მშობელი ცდილობს, ბავშვი სტრესისგან დაიცვას. თუმცა ბოლომდე ეს შეუძლებელია. შეიძლება, რომ სტრესი გახდეს რაიმე ნერვული აშლილობის ან პრობლემის მიზეზი?

- სტრესი ადაპტაციური ფენომენია და ამის გარეშე ერთი წამი ვერ იცხოვრებ ადამიანი! როგორ შეიძლება სტრესისგან დაიცვა ადამიანი! სტრესი ცუდი
სიტყვა არ არის და საერთოდ, ვინც ეს ტერმინი შემოიტანა, ამბობს, რომ, თუ სტრესი არ გაქვს, ჩათვალეთ, რომ მკვდარი ბრძანდებით... ცოცხალ ადამიანს არ შეიძლება სტრესი არ ჰქონდეს ნებისმიერ ასაკში.

- თუ გახსენდებათ პრაქტიკაში მაგალითი, როცა მშობლის შეცდომის გამო შეექმნა ბავშვს პრობლემა? რომელია ხშირად გავრცელებული შეცდომები?


- ძირითადად სულ მშობლების შეცდომის გამო ხდება ყველაფერი, ანუ ბავშვების მიმართ აბსოლუტურად არასწორი ქცევის გამო. არსებობს, რასაკვირველია, თანდაყოლილი პათოლოგიები, მძიმე დაავადებები, მაგრამ ესენი იშვიათია. რაც ჩვენთან გავრცელებულია, ეს არის არასწორი მოქცევა ბავშვებთან, ზეწოლა ძირითადად! კვებითი, ჩაცმითი, ტემპე

რატურული, ყველაფრის აკრძალვა... ყველაფერი იწყება - არ შეიძლებათი...
mshoblebi
თქვენ მოგწონთ, როცა არ შეიძლებას გეუბნებათ ვინმე? - ბავშვს კი იმიტომ ეუბნებით, რომ არ იცით, რა უნდა უთხრათ, აგრესიული ქცევა ყველაზე ადვილი გამოსავალია. აგრესია არის განვითარებს ყველაზე დაბალი საფეხური! ბავშვს არ მოსწონს ყველაფრის აკრძალვა, გიპროტესტებთ და რადგან გიპროტესტებთ, მას უკვე ჯიუტი ჰქვია.

სინამდვილეში ზეწოლა აქდან იწყება! ბავშვი ყოველთვის ჯანსაღია! ყველა მოზარდი იტყუება, ბავშვი კი არასოდეს!

- შეგიძლიათ ჩამოგვითვალოთ სიმპტომები, რომლებსაც მშობლები დროულად არ აქცევენ ყურადღებას და შემდეგ რთული სამკურნალო ხდება?


- სიპტომები უამრავია და შეუძლებელია მათი ჩამოთვლა. მთავარი, რასაც ყურადღება უნდა მიაქციონ მშობლებმა, ეს არის ბავშვის ქცევა!
ქცევა უნდა იყოს შესაბამისი მის ასაკობრივ მოთხოვნილებებთან. თუ ხედავს, რომ ბავშვის ქცევაში, ყოფაში არსებობაში რაღაც შეუსაბამოა, მაშინ უნდა აჩვენოს სპეციალისტს...


- დედების ჯგუფებში ხშირად ნახავთ პოსტებს შეკითხვით, რას აძლევთ ბავშვს, კარგად რომ დაეძინოს? რამდენად მართებულია ექიმის გარეშე უწყინარ მცენარეულ საშუალებებზე დაფუძნებული დამამშვიდებლების მიცემა?


- აბსოლუტურად არასწორია! ეგ არის უბედურება, რომ სოციალური ქსელები გახდა საჭორაო სისტემა. ვისაც რა უნდა, იმ რჩევას იძლევა, იმის მიუხედავად, ამის კვალიფიკაცია აქვს თუ არა, ძალუძს თუ არა საერთოდ პასუხის გაცემა. მცნება - მცენარეული, ესეც მორიგი ტყუილია. ოპიუმი კეთდება ყაყაჩოსგან, იცით, რომ ყაყაჩო მცენარეა და ოპიუმი კიდევ ნარკოტიკი. მცდარი ფორმაა, თითქოს ბალახეული უწყინარია. ზოგიერთი ბალახი ცხოველს კლავს! აუცილებლად ძალიან დიდი სიფრთხილეა საჭირო და როგორ შეიძლება თვითნებურად მედიკამენტის ხმარება?! ცივილურ ქვეყნებში ბავშვთა მედიკამენტები უკიდურესად მცირე რაოდენობით გამოდის.

ძალიან იშვიათად სჭირდება ბავშვს წამალი. არასწორი ინფორმაციისა და არასწორი განათლების გამო მარტივად ხდება ჩვენში ეგრეთწოდებული
წამლების ყლაპვა. ნაცვლად იმისა, რომ ბავშვებთან სწორად იურთიერთონ, მოუსმინონ და გაარკვიონ, რატომ წუხს ბავშვი, დაუფქრებლად მედიკამენტს აძლევენ, რომელიც მეზობელმა ურჩია.

ვიმეორებ, რომ მშობლებმა მიაქციონ ბავშვის ქცევას ყურადღება! ქცევაში რომ პრობლემა ჩნდება, მაშინ სჭირდება ბავშვს სპეციალისტის დახმარება. სასწორზე რომ დავდოთ, მშობელი უფრო მეტს აშავებს, ვიდრე ბავშვი.
mshoblebi

- მშობლებისგან ხშირად გაიგებთ ასეთ ფრაზასაც - ჯანმრთელია, უბრალოდ მტირალაა. ზოგადად მტირალა ბავშვები ითვლება რომ ნევროლოგის დახმარებას საჭიროებენ?


- ტირილი ბავშვის საკომუნიკაციო საშუალებაა.  ბავშვი გამოხატავს თავის მდგომარეობას ტირილის საშუალებით და ეს არ ნიშნავს იმას, რომ მას პათოლოგია აქვს... რაკი ნაჭამია, იმას არ ნიშნავს, რომ აღარ უნდა ტიროდეს. მას სხვა უამრავი მოთხოვნილება აქვს, რომლის დაკმაყოფილებაც სჭირდება. შეიძლება უბრალოდ ურთიერთობა უნდოდეს. მტირალა ბავშვი, ისევე როგორც მცივანა ბავშვი, მოგონილი ტერმინებია.

მანანა გაბრიჭიძე
  1. რატომ არის აუცილებელი შუადღის ძილი და რამდენ საათს უნდა ეძინოს ბავშვს
  2. რამდენად საშიშია ბავშვის კრთომა, კანკალი, ხვრინვა - როდის უნდა მიაკითხოთ ექიმს
  3. ექიმი კომაროვსკი - რატომ იღვიძებს ბავშვი ღამით ტირილით?
47780
ბეჭდვა
მოგვწერეთ თქვენი შეკითხვები და მოსაზრებები
კომენტარები (9)
..
0
ქართველ ექიმებს მშობლის ლანძღვა წესად აქვთ.და ზემოდან ყურება ! ევროპელ ექუმებთან ვერ მოვლენ ვერასდროს!!!!ამავე დროს დიაგნოზის დასმაც რომ უჭირთ!
18:51 / 10-07-2019
nino
1
გასალანძღები ხარტ ალბათ და იმიტომ მე არ გავულანძღივარ რა ვიცი და ბავშვის აღზედა რომ არ ვიცით ხო ფაქტია,ექიმსარ ვუჯერებთ და სულელურ ფორუმზე გოგოებო მირჩიეთ ეს ,ის ექიმმა დანიშნა და მივცე?არა ვიგააც სიულელეს რო გირჩევს ეს მიეცი,ქალი წერდა ბავშვი ხელში ძილს და რწევას ვერ გადავაჩვიეო აგარ შემიძლიაო მეც დავიტანჯე ისიცო მთელი ღამე ვერ ვიძინებო რო დავჯდებიმან დავაწვენ ეგრევე ტიროსო,მურჩიეთ რამე წამალიო,დააწვინე ატირე და გადაეჩვევა არ მაწყობს ვერ ვატირებო ბავშვსო,ხოდა ეგეთი რო მოგივა გაგლანძღავს ექიმი აბა რას იუზავს,უზნეოდ უგრაფიკოდ რო ზრდით ბავშვებს ხელში რწევებს ასწავლით და მერე თითონაც იტანჯებით და ბავშვის ფსიქიკასაც,ფაფებს რო ატენით ძალიტ და ზაფხულში ,ამის უშანკა ქუდებით ატარებთ
12:14 / 19-04-2019
მსგავსი სიახლეები
```