მარიხუანას ერთჯერადი მოხმარების შემდეგ მისი მოქმედების კვალი რჩება 7 დღის განმავლობაში - რა მავნებლობა აქვს სინამდვილეში მარიხუანას?
მარიხუანას ერთჯერადი მოხმარების შემდეგ მისი მოქმედების კვალი რჩება 7 დღის განმავლობაში - რა მავნებლობა აქვს სინამდვილეში მარიხუანას?
ნევროლოგი ზურაბ მეტრეველი ბევრისთვის აქტუალურ საკითხს - მარიხუანას და მის მოხმარებას, ასევე მისი პოპულარიზაციის თემას გამოეხმაურა:

"მინდა ჩემი აზრი გამოვთქვა ყბადაღებულ მარიხუანას ლეგალიზაციასთან დაკავშირებით:

ჩემი პროფესიის გამო საკმარისად ხშირად მიხდება შეხება პრობლემასთან, რომელიც დაკავშირებულია მარიხუანას მოწევასთან. უმეტესად პაციენტები აღნიშნავენ, რომ წარსულის რომელიღაც მონაკვეთში იღებდნენ მარიხუანას მეტ-ნაკლები სიხშირით.

რა ტიპიური ჩივილით მოდიან ავადმყოფები, რომლებსაც წარსულში მიუღიათ ხშირად მარიხუანა:


  • ემოციური გაუწონასწორებლობა
  • მეხსიერების დაქვეითება
  • ძილის დარღვევა.
  • ინტელექტუალური სამუშაოს შესრულებისას სწრაფად გამოფიტვა
  • ლიბიდოს დაქვეითება.
  • უსიამოვნო ხასიათის ფიქრები.
  • აჟიტირების და დეპრესიის ტალღები.
აღნიშნული ჩივილი შეიძლება გამოჩნდეს არა მარტო უშუალოდ მარიხუანას მიღების შემდეგ, არამედ შეძლება მიიღოს ქრონიკული ხასიათი წლების განმავლობაში.
ამ კატეგორიის პაციენტების მკურნალობა ხანგრძლივ დროს, ენერგიას, ფინანსურ რესურსებს მოითხოვს გარანტირებული შედეგის გარეშე.

კიდევ ერთხელ დავინტერესდი, რას გვეუბნება მსოფლიო გამოცდილება და არაერთი სერიოზული კვლევები აღნიშნულ პრობლემასთან დაკავშირებით (აღნიშნულ საკითხთან დაკავშირებით უამრავი კლინიკურ ექპერიმენტული მონაცემები არსებობს ამერიკულ პერიოდულ გამოცემებში ---Jurnal of Neurosaience, Nature Jurnal, National Institute on Drug Abuse, American Addictional Centers, Psychology Today, JAMA და სხვ.)

მათი მონაცემებით მარიხუანას სისტემატიური მიღება იწვევს:

1. ტომოგრაფიულად დადასტურებულ დაზიანებას თავის ტვინის გარკვეული უბნებისა (ჰიპოკამპი, ამიგდალა).
2. ქვეითდება IQ.
3. ქვეითდება ხანმოკლე მეხსიერება.
4. 30%-ით მატულობს ფსიქოზის განვითარების რისკი.
5. პაციენტები
ხდებიან სოციალურად ნაკლებად ადაპტირებულები.
6. ქვეითდება ერექცია.
7. მატულობს გულ-სისხლძარღვთა პათოლოგიის განვითარების რისკი.
8. უარესდება ძილი
9. ქვეითდება სპონტანური რეაქციის სიჩქარე და ა.შ.

აღსანიშნავია, რომ მარიხუანის ერთჯერადი მოხმარების შემდეგ მისი მოქმედების კვალი რჩება 7 დღის განმავლობაში.

ყველა მკვლევარი ერთსულოვნად აღნიშნავს, რომ დაზიანების ხარისხი ბევრად მეტია მარიხუანას ახლგაზრდებში მიღებისას.

ლაპარაკია არა მარიხუანას მოწევის უშუალოდ შემდეგ, არამედ აღნიშნული მონაცემები მიღებულია ხანგრძლივი დაკვირვების შედეგად და უმეტესად მარიხუანას მოხმარებიდან წლების შემდეგაც.

დასკვნების გაკეთება თქვენთვის მომინდვია".
10409
ბეჭდვა
მოგვწერეთ თქვენი შეკითხვები და მოსაზრებები
კომენტარები (4)
მშობელი
0
მივმართავ მშობლებს, არ შეეშვათ მომხმარებელ შვილებს, არავითარ შემთხვევაში! იბრძოლეთ, ეომეთ, ეფერეთ, ჩართეთ ახლობლები, სპეციალისტები და ილოცეთ! -აუცილდბლად მიიღებთ შედეგს!
03:40 / 07-11-2018
@
0
გააგებინეთ ტვინგარეცხილ ბექას,ანის და მათ გვერდში მდგომებს
13:51 / 15-05-2018
ასევე დაგაინტერესებთ
მსგავსი სიახლეები
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?