რა იწვევს ყელის გაწითლებას და როგორ უნდა მოიქცეს მშობელი ყველაზე ხშირი დიალოგი პედიატრთან ასე იწყება:
- რას უჩივით?
- ბავშვს ყელი აქვს წითელი, ექიმო!
ან სულაც პირიქით - ექიმი გვაუწყებს, რომ პატარას ყელი წითელი აქვს, რაც მშობლების შეშფოთების მიზეზი ხდება.
მოდით, განვიხილოთ, რა იწვევს ყელის გაწითლებას.
როცა ვსაუბრობთ ყელზე, ვგულისხმობთ ხახას, რომელიც გარდამავალი ადგილია საჭმლის მონელებელი და სასუნთქი სისტემების საზღვარზე.
ხახის რკალებს, რომელთა უკან ნუშურა ჯირკვლებია, ასევე ხახის უკანა ზედაპირს, ენის ძირს, რომელიც ხახას ესაზღვრება, მაგარ სასას, ნაქს. ნორმაში ხახის ლორწოვანი გარსები ვარდისფერია. ადრეულ ასაკში უფრო მუქი ვარდისფერი, მსუბუქ სიწითლემდეც კი.
ხახის ლორწოვანი გარსის სიწითლის უხშირეს მიზეზი ინფექციაა. თუ სიწითლეს თან სდევს ყელის ტკივილი, ფხაჭნის შეგრძნება, ეს ფარინგიტი ანუ ხახის ანთებაა. ხახა წითლდება სასუნთქი გზების მწვავე ინფექციების დროს, რომელთა დიდი ნაწილი ვირუსითაა გამოწვეული. სასუნთქი გზების დაავადებების გამომწვევი ვირუსები სასუნთქი გზების ლორწოვან გარსებში შეჭრის შემდეგ ადგილობრივ ანთებით რეაქციებს იწვევნ, შედეგი კი ლორწოვანი გარსების შეწითლება და შეშუპებაა. ხახა შეიძლება გაწითლდეს ზოგიერთი ქიმიური ნივთიერებების ზემოქმედების შემდეგაც, სიწითლის გამოწვევა ფიზიკურ ფაქტორებსაც შეუძლიათ, მაგალითად, ცხელი საკვების და სასმელის გამოყენებას. არ დაივიწყოთ წითელი ფერის კანფეტების ზეგავლენაც, რომელმაც შესაძლოა შეღებოს ენაც, სასაც და ხახის ლორწოვანი გარსიც.
რა თქმა უნდაб არა. ყელის სიწითლე მკურნალობას არ ექვემდებარება. იმ შემთხვევაში, თუ ფარინგიტი ბაქტერიებითაა გამოწვეული, ექიმი ანტიბიოტიკს დაგინიშნავთ. ტკივიგამაყუჩებელი და ანტიანტებითი საწუწნი ტაბლეტები თუ შესასხურებელი საშუალებები მცირე ხნით ამცირებენ ტკივილს და შეშუპებას, მაგრამ არა ყელის სიწითლეს.
მითია. შესაბამისი მედიკამენტით ინჰალაციური თერაპია ხსნის ბრონქოსპაზმს, ამცირებს ხორხის შეშუპებას, ათხიერებს წებვად ნახველს, მაგრამ ის ვერაფერს უხერხებს სიწითლეს.
თუ თქვენს პატარას ყელი სტკივა, ის ექიმს უნდა აჩვენოთ. ბაქტერიული ფარინგიტის მკურნალობა ანტიბიოტიკებით ხორციელდება. სხვა შემთხვევაში მიეცით ბავშვს თბილი სითხეები, ტკივილის დროს კი პარაცეტამოლის ან იბუპროფენის გამოყენება ნამდვილი შვებაა.
ასე რომ, დაივიწყეთ მითი ხახის სიწითლის მკურნალობის შესახებ. უმრავლეს შეთხვევაში ის თავისთავად გაივლის.
მედიცინის დოქტორი, პედიატრი თამარ ობგაიძე