"ყველაფერი გამოიკვლიეს, წყალი, ნიადაგი, ჰაერი" - ბავშვებში ტყვიის მაღალი მაჩვენებლის მიზეზი ცნობილია
"ყველაფერი გამოიკვლიეს, წყალი, ნიადაგი, ჰაერი" - ბავშვებში ტყვიის მაღალი მაჩვენებლის მიზეზი ცნობილია
გასულ წელს ჩატარებული კვლევის თანახმად, დასავლეთ საქართველოში მცხოვრებ ბავშვების სისხლში გადაჭარბებული ტყვიის შემცველობა უფრო მეტი აღმოჩნდა, ვიდრე აღმოსავლეთში. სპეციალისტები იკვლევდნენ, რა შეიძლება გამხდარიყო ამის მიზეზი. დღეს ამ გამოკვლევის შედეგები ცნობილია. როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელმა, პაატა იმნაძემ ჩვეთან საუბრისას განაცხადა, კვლევა ერთ-ერთ ყველაზე გავლენიან ამერიკულ ორგანიზაციას, Pure Earth-ს, ჩაატარებინეს და დადგინდა, რომ გამოკვლეულ ოჯახებში სისხლში ტყვიის მაღალი შემცველობა არა ნიადაგის, წყლის ან ჰაერის , არამედ
სუნელების ბრალია.

"ლოგიკურად რომ ვთქვათ, თბილისში უფრო მეტი მანქანა დადის თუ მთიან აჭარაში? - რა თქმა უნდა, თბილისში. გამონაბოლქვი გამოირიცხა. ყველგან ერთნაირი საკვები და სათამაშო იყიდება ბაზარზე. განსხვავებაა ისაა, თუ რას ჭამენ დასავლეთში ბავშვები ისეთს, რასაც არ ჭამენ აღმოსავლეთში. სუნელებს ძირითადად დასავლეთ საქართველოში იყენებენ. სუნელებზე თავიდან ძირითადი აქცენტი არც გვქონია. თავად რომელსაც ამზადებენ სახლში, სახიფათო არ არის. კვლევაში მოხვდა ბაზარზე ნაყიდი სუნელები, რომლებსაც კარგი ფერის მისაღებად ღებავენ. კვლევას კიდევ ვაგრძელებთ, მაგრამ იმ ოჯახებში, სადაც ბავშვებში მომატებული იყო ტყვიის შემცველობა, ყველაფერი გამოიკვლიეს, წყალი, ნიადაგი, ჰაერი, დარჩა მხოლოდ სუნელების მოხმარება. სახლში ძველი საღებავებიც რისკის ფაქტორია, იმიტომ, რომ ძველ საღებავებში ტყვია ძალიან ბევრი იყო " -
ამბობს Mshoblebi.ge-სთან საუბრისას პაატა იმნაძე.

კვლევის შედეგად სულ 25 ოჯახი შემოწმდა და დასკვნაც მათ საფუძველზე გაიცა, თუმცა, როგორც დაავადებათა კონტროლისა და საზოგადოებრივი ჯანმრთელობის ეროვნულ ცენტრში გვითხრეს, უფრო მაშტაბური კვლევა იგეგმება.

შეგახსენებთ, რომ 2018 წელს ჩატარებული კვლევის მიხედვით, ტყვიის მაღალი შემცველობა ბავშვების 41%-ში აღმოჩნდა,  რეგიონებში კი ყველაზე ცუდი მდგომარეობა აჭარაშია.  

თამარ იაკობაშვილი

alt"ბავშვები ხშირად ხდებოდნენ ავად, უმცროსს ფრჩხილებიც ექერცლებოდა" - როგორ დავადგინოთ ტყვიის შემცხველობა სისხლში და როგორ ვიმკურნალოთ

altპედიატრი - ტყვიის მაღალი ან დაბალი შემცველობა არ ნიშნავს, რომ ბავშვს შეიძლება ტყვიით მოწამვლა განუვითარდეს

alt"ეს პროდუქტები ხელს უშლის ტყვიის შეწოვას ორგანიზმში" - დაავადებათა კონტროლის ეროვნული ცენტრის რეკომენდაციები

alt 2-დან 7 წლამდე ბავშვების 25%-ის სისხლში ტყვიის შემცველობის მცირედი, ბავშვების 16%-ში კი შედარებით მაღალი მატებაა - როგორია ტყვიაზე ჩატარებული კვლევის შედეგები


47174
ბეჭდვა
მოგვწერეთ თქვენი შეკითხვები და მოსაზრებები
კომენტარები (13)
nugzari
0
ვისაც IQ 60 ზე დაბალი აქვს კომენტარს ნუ დადებს. ამდენი გაუნათლებელი სად შეგროვდა.
15:24 / 12-11-2019
გაგვეცით პროფესიონალური პასუხი
0
გაგვეცით პროფესიონალური პასუხი
10:55 / 01-11-2019
მსგავსი სიახლეები
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?