"მაქსიმალურად მოერიდეთ ანტიბიოტიკების გამოყენებას ბინაზე. თვლიან, რომ აუცილებელია, სინამდვილეში პირიქითაა"- ივანე ჩხაიძე სეზონურ ვირუსზე
"მაქსიმალურად მოერიდეთ ანტიბიოტიკების გამოყენებას ბინაზე. თვლიან, რომ აუცილებელია, სინამდვილეში პირიქითაა"- ივანე ჩხაიძე სეზონურ ვირუსზე
დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, კლინიკებში გრიპისა და გრიპისმაგვარი დაავადებებით გამოწვეული მიმართვიანობა ბოლო პერიოდში გაზრდილია. არსებული სიტუაცია იაშვილის სახელობის ბავშვთა ცენტრალური საავადმყოფოს სამედიცინო დირექტორმა, მედიცინის მეცნიერებათა დოქტორმა, თბილისის სახელმწიფო სამედიცინო უნივერსიტეტის პროფესორმა, ივანე ჩხაიძემ შეაფასა:

-"გრიპისა და გრიპისმაგვარი დაავადებებით გამოწვეული მომართვიანობა, რა თქმა უნდა, გაზრდილია. ეს არის სეზინური მატება და როგორც შარშან ან შარშანწინ, დეკემბრის ბოლო ორი კვირა გამოირჩევა შემთხვევების მატებით. წელს რაიმე განსაკუთრებული არ ხდება, პირიქით, წლევანდელი ნაკადი შედარებით უფრო ნაკლებია, ვიდრე შარშან ამავე პერიოდში აღინიშნებოდა.
რაც შეეხება კლინიკის დატვირთვას, გვაქვს რესპირაციული მედიცინის დეპარტამენტი, რომელიც სრულად დატვირთულია. როგორც წინა წლებში, წელსაც მოგვიწია კიდევ ერთი დეპარტამენტის გამოთავისუფლება და გამოვყავით დამატებითი დეპარტამენტი. დღეისათვის კლინიკაში 68 პაციენტი წევს, რომლებსაც სხვადასხვა სახისა და სიმძიმის მიმდინარეობა აქვთ. არც ერთი პაციენტისთვის უარი არ გვითქვამს, პირიქით, დღეს ვამზადებთ კიდევ ერთ სივრცეს, სადაც აუცილებლობის შემთხვევაში პაციენტები ჰოსპიტალიზებულები იქნებიან. რაც შეეხება მედიკამენტებით უზრუნველყოფას, ანტივირუსული პრეპარატის მარაგი გვაქვს და ყოველკვირეულად ხდება მისი შევსება. არც ერთი ბავშვი, რომელიც დღეს მოთავსებულია ან ნოემბრიდან დღემდე იყო მოთავსებული, არ მკურნალობდა კრიტიკული მედიცინის დეპარტამენტში. მათი მდგომარეობა შეფასდა როგორც საშუალო სიმძიმე ან მძიმე.
წელს საქართველოში ძირითადად სამი ტიპის ვირუსი ცირკულირებს. 8 ბავშვი H1 ტიპის ვირუსი დაფიქსირდა, 12
ბავშვთან H3 ტიპის ვირუსი, ხოლო 37 ბავშვი B ტიპის ვირუსი დაფიქსირდა. 

გრიპის ნიშნებია მაღალი ტემპერატურა, 38 გრადუსი და მეტი, საერთო სისუსტე, თავისა და ყელის ტკივილი, კუნთების ტკივილი, საკვებზე უარის თქმა. ასეთი ნიშნების გამოვლენის შემთხვევაში, განსაკუთრებით თუ წლამდე ასაკის ბავშვს ახასიათებს, რა თქმა უნდა, ჯობს თავიდანვე მიმართოთ ექიმს. თვითმკურნალობასთან დაკავშირებით კატეგორიული თხოვნა გვაქვს, განსაკუთრებით ეს ეხება ანტიბიოტიკების გამოყენებას. ხშირ შემთხვევაში თვლიან, რომ ანტიბიოტიკები აუცილებელია გრიპის მართვისთვის. თუმცა პირიქითაა, მაქსიმალურად უნდა მოერიდოთ ანტიბიოტიკების გამოყენებას ბინაზე. საშუალება, რომელიც ყველა მშობლისთვის ცნობილია და ჩვენც ვფიქრობთ, რომ პირველ ეტაპზე უნდა გამოიყენოს - ეს არის სიცხის დამწევი საშუალებები.

ვაქცინაციისთვის იდეალური პერიოდი ოქტომბერი და ნოემბერია. მაქსიმუმ დეკემბრის პირველი კვირაც. იმიტომ, რომ გრიპის საწინააღმდეგო ვაქცინა მოქმედებას ორი კვირის შემდეგ იწყებს, შესაბამისად, მისი გაკეთების აუცილებლობა ახლა, როდესაც მესამე კვირაა ქვეყანაში გრიპის შემთხვევების მატება გვაქვს, დაგვიანებულია. კიდევ ერთხელ ვიტყვი, ამისთვის იდეალური პერიოდი ნოემბრის თვე იყო."-განაცხადა ივანე ჩხაიძემ

თამარ იაკობაშვილი


14727
ბეჭდვა
მოგვწერეთ თქვენი შეკითხვები და მოსაზრებები
კომენტარები (3)
მარინა
6
ხო და გაწყდეს ყველა ვინც ამ ვირუსებს ყრის საქართველოში და ოდნავ წვლილიც ვისაც მიუძღვის ამ ვირუსების შემოტანაში ყველას ოჯახები დახვდეს დახოცილი შინ რო დაბრუნდებიან დ ამერე დაგვანებებრნ თავს ამინ. ეკლესიაში ვწყევლი ყოველდღე მალე არცერთს არ დვატოვებ
11:14 / 29-12-2019
Nino
0
როგორ არ რცხვენიათ,მატება კი არა,ეპიდემია არის ,ბავშვებს სკამებზე უკეთებენ გადასხმებს საავადმყოფოებში და სასწრაფოს თუ გამოიძახებს 1 სათი აგვიანდება ისეთი გადატვირთვაა.
08:35 / 29-12-2019
მსგავსი სიახლეები