დაავადებათა კონტროლისა და საზოგადოებრივი ჯანმრთელობის ეროვნული ცენტრი სისხლში ტყვიის შემცველობის მაღალი დონისა და ამით გამოწვეული პრობლემების შესახებ ინფორმაციას აქვეყნებს და მშობლებსა და მეურვეებს რეკომენდაციებით მიმართავს:
გამოქვეყნებულ ინფორმაციაში აღნიშნულია, რომ თუ ბავშვის სისხლში ტყვიის შემცველობის დონე 10-30 მკგ/დლ-ის ფარგლებშია, ტყვიით ექსპოზიციის მომატებული დონე მისი ჯანმრთელობისათვის რისკს წარმოადგენს, ამიტომ, მნიშვნელოვანია დროული გამოვლენა და შემდეგი ღონისძიებების განხორციელება:
ვიზიტი პედიატრთან ბავშვის ფიზიკური და გონებრივი განვითარების, კვებითი სტატუსის და რკინის დეფიციტის რისკის შეფასების მიზნით 1-2 კვირის განმავლობაში; პედიატრის რეკომენდაციით ლაბორატორიული და ინსტრუმენტული გამოკვლევების ჩატარება და საჭიროების შემთხვევაში, მედიკამენტების მიღება; საცხოვრებელი გარემოს შეფასება, საზოგადოებრივი ჯანმრთელობის მუნიციპალური ცენტრის სპეციალისტების მონაწილეობით, ტყვიის ზეგავლენის პოტენციური წყაროს/წყაროების იდენტიფიცირების მიზნით. დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, ჩამოთვლილი კვლევები სპეციალური სახელმწიფო პროგრამის ფარგლებში იქნება უზრუნველყოფილი.
ტყვია გავლენას ახდენს ბავშვის გონებრივ განვითარებაზე, რაც აისახება შემეცნებით (სწავლების) უნარებზე და სასკოლო მოსწრებაზე. ტყვიამ, ასევე, შეიძლება გავლენა მოახდინოს სმენაზე, ქცევაზე, ზრდასა და ინტელექტუალურ განვითარებაზე, კერძოდ:
რძე და რძის პროდუქტები, როგორიცაა იოგურტი და ყველი; მწვანე ფოთლოვანი ბოსტნეული, როგორიცაა: კომბოსტო, თალგამი, მდოგვი და მწვანილი; კალციუმით გამდიდრებული საკვები, როგორიცაა ფორთოხლის წვენი, სოიოს რძე და ტოფუ; დაკონსერვებული ორაგული ან სარდინები. რკინა, ასევე, ხელს უშლის ტყვიის შეწოვას ორგანიზმში; ეცადეთ მიიღოთ რკინით მდიდარი საკვები: მჭლე წითელი ხორცი; რკინით გამდიდრებული მარცვლეული, პური და მაკარონი; გამომშრალი ხილი, როგორიცაა ქიშმიში და შავი ქლიავის ჩირი; ლობიო და ოსპი. C ვიტამინი ორგანიზმს ეხმარება რკინის უკეთ შეწოვაში და ასევე, შესაძლოა, გამოდევნოს ტყვია. C ვიტამინით მდიდარი საკვებია: ციტრუსები, როგორიცაა ფორთოხალი და გრეიპფრუტი; სხვა ხილი, როგორიცაა კივი, მარწყვი და ნესვი; პომიდორი; კარტოფილი; წიწაკა.
დაავადებათა კონტროლისა და საზოგადოებრივი ჯანმრთელობის ეროვნული ცენტრი მშობლებს მოუწოდებს, განსაკუთრებული ყურადღება გამოიჩინონ, ხოლო დამატებითი კითხვების შემთხვევაში, დარეკონ მათ ცხელ ხაზზე: 116 001.
თამარ იაკობაშვილი
რა პროდუქტები უნდა მიიღოს ბავშვმა, რომ ორგანიზმიდან ტყვია გამოიდევნოს? - გასტროენტეროლოგის პასუხი