როგორ უნდა მოიქცეთ თვითიზოლაციის დროს - დაწვრილებითი ინსტრუქციები ექიმისგან
როგორ უნდა მოიქცეთ თვითიზოლაციის დროს - დაწვრილებითი ინსტრუქციები ექიმისგან
ექიმი არჩილ მარშანია საზოგადოებას რეკომენდაციებს უზიარებს:

"თვითიზოლაციის წესები, თუ მარტო არ ცხოვრობთ

გაფრთხილება: პირველ რიგში დაუკავშირდით ცხელ ხაზს, ოჯახის ექიმს ან/და 112-ს რომ მიიღოთ ოფიციალური ინსტრუქცია. ასევე გაარკვიეთ, შესაძლებელია თუ არა, რომ გადახვიდეთ კლინიკაში ან ე.წ. კოვიდ სასტუმროში.
ინსტრუქციები შეიძლება იცვლებოდეს.
(აქვე: უმორჩილესად გთხოვთ, მე ნუ მეჩხუბებით იმაზე, რომ არ ირეკება ან/და ადგილები არ არის ან/და პასუხს წესიერად არ გაძლევენ, შეგახსენებთ რომ უბალოდ ექიმი ვარ და არანაირი თანამდებობაზე არ ვმუშაობ, მსგავს ამბებზე ჩემი პასუხისმგებლობა არის 0. მადლობა წინასწარ)
ქვემოთ ჩამოთვლილი წესები შედგენილია, საქართველოს
დაავადების კონტროლის ცენტრის რეკომენდაციების და დიდი ბრიტანეთის ჯანდაცვის ეროვნული სამსახურის რეკომენდაციების მიხედვით.
ვის შეიძლება გამოადგეს ეს რეკომენდაციები:
  1. მას ვისაც აღენიშნება კოვიდ19-სთვის დამახასიათებელი სიმპტომები;
  2. მას ვინც ელოდება კოვიდ19-ს ''პისიარ'' ტესტირების პასუხს;
  3. მას ვისაც ტესტირებით დაუდასტურდა კოვიდ19-ი (სიმპტომური ან ასიმპტომური);
  4. მას ვისაც ჰქონდა კონტაქტი ადამიანთან, რომელსაც დაუდასტურდა კოვიდ19.
  • მოთავსდით ცალკე იზოლირებულ ოთახში, სადაც არის კარგი ვენტილაცია და ფანჯარა, რომელიც იღება. დახურეთ კარი.
  • გამოიყენეთ ცალკე აბაზანა, თუ ეს შესაძლებელია. თუ ამის საშუალება არ არის, აუცილებელია რეგულარული გაწმენდა. თუ ცალკე სველი წერტილი არ არის ხელმისაწვდომი, ის რიგრიგობით უნდა იყოს გამოყენებული. ანუ თვითიზოლაციაში მყოფმა პირმა სველი წერტილი ბოლომ უნდა გამოიყენოს და შემდეგ ისევ კარგად გაიწმინდოს სადეზინფექციო ხსნარებით.
  • კვებისთვის გამოიყენეთ ცალკე ჭურჭელი, საკვები მიიღეთ იზოლირებულ ოთახში, ნუ
    გამოიყენებთ სამზარეულოს. ჭურჭელი უნდა გაირეცხოს კარგად, სარეცხი საშუალებით და თვილი წყლით და გამშრალდეს ცალკე პირსახოცის საშუალებით.
  • შესაძლებელია ჭურჭლის სარეცხი მანქანის გამოყენებაც.
  • თვითიზოლაციაში მყოფი პირი უნდა იყენებდეს პირსახოცებს (ხელის, სხეულის), რომელსაც ოჯახის სხვა წევრები არ გამოიყენებენ.
  • ხველის ან ცემინების დროს პირსა და ცხვირზე აიფარეთ ერთჯერადი ცხვირსახოცი.
  • თავი შეიკავეთ თქვენს შინაურ ცხოველებთან კონტაქტისგან.
  • ყველა ნარჩენი, რომელიც კონტაქტში იყო პირთან, გამოყენებული ცხვირსახოცების და პირბადეების ჩათვლით, უნდა მოთავსდეს ცელოფნის პარკში და ავსებისას თავი შეეკრას. ამის შემდეგ ეს პარკი მოათავსეთ მეორე პარკში და თავი შეუკარით. ასეთი ნარჩენების პარკში არ ჩაყაროთ საკვების ნარჩენები. ამის შემდეგ შეგიძლიათ ნარჩენების გადაყრა საერთო წესით.
  • დაიცავით ყველა ზოგადი რეკომენდაცია, დაიბანეთ ხელები, სადეზინფექციო ხსნარით გადაწმინდეთ მყარი ზედაპირები, გაანიავეთ ოთახი (არ გამოიყენოთ ვინტილატორი), იხმარეთ ნიღაბი.
  • ნუ მიიღებთ სტუმრებს.
  • დააკვირდით სიმპტომებს, ტემპერატურა გაიზომეთ დღეში ორჯერ, აწარმოეთ დღიური და მოინიშნეთ სიმპტომები და ტემპერატურის მაჩვენებლები.
დაუყოვნებლივ მიმართეთ ექიმს, თუ თქვენი ჯანმრთელობის მდგომარეობა გაუარესდება.
  • მსუბუქი სიმპტომების შემთხვევაში დარჩით იზოლაციაში 14 დღე (იქონიეთ კონტაქტი ექიმთან).
  • თუ გქონდათ კონტაქტი ადამიანთან ვისაც დაუდასტურდა კოვიდ19, დარჩით თვითიზოლაციაში ბოლო კონტაქტიდან 12 დღე.
  • თუ თქვენს ოჯახის წევრს დაუდასტურდა კოვიდ19, დარჩით თვითიზოლაციაში 14 დღე. დღეების ათვლა იწყება იმ დღიდან, როდესაც პაციენტს დაეწყო სიმპტომები. ასიმპტომური მიმდინარეობისას კი, იმ დღიდან, როდესაც ტესტირებით დადასტურდა კოვიდ19.

იზრუნეთ საკუთარ ფსიქოემოციურ მდგომარეობაზე:
  • იკონტაქტეთ მეგობრებთან დისტანციურად, სოც ქსელებით, ტელეფონით;
  • ფიზაქტივობა არამარტო ფიზიკური, არამედ ფსიქოლოგიური ჯანმრთელობისთვის არის მნიშვნელოვანი, ეცადეთ იყოთ აქტიურები ნორმის ფარგლებში, ნახეთ ონლაინ ვარჯიშები, იოგა და ა.შ.;
  • დაგეგმეთ რის გაკეთება შეიძლება იზოლაციისას და ვინ მოგაწვდით საკვებს, მედიკამენტებს და ა.შ.;
  • განსაზღვრეთ 14 დავალება საკუთარი თავისთვის, რომელსაც დღეებზე გადაანაწილებთ;
  • შფოთვების, თუ ნებისმიერი ფსიქოემოციური სტრესის მომატებისას დისტანციურად მიმართეთ სპეციალისტს.
  • იზოლაცია შეიძლება დასრულდეს, თუკი სიმპტომების დაწყებიდან გასულია 10 დღე და თავს გრძნობთ კარგად, სიმპტომები "ალაგებულია" (მეტი დეტალები მიიღეთ ექიმისგან).
არ დაარღვიოთ თვითიზოლაციის წესები, ამით თქვენ დაიცავთ საკუთარ და სხვის ჯანმრთელობას.
არ არსებობს არანაირი გარანტია, რომ ხართ დაცული რეინფექციისგან, თვითიზოლაციის დასრულების და/ან ინფექციის გადატანის შემდეგ, დაიცავით ყველა (!) ის ზოგადი რეკომენდაცია, რაც არის კოვიდ19-ს პრევენციისთვის გამოცემული.
ჯანმრთელობას გისურვებთ."
2016
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები