დღის რომელ მონაკვეთში ჯობს ანალიზების ჩატარება და საჭიროა თუ არა იყოთ უზმო - კომპეტენტური პასუხი
ლაბორატორიული მედიცინის სპეციალისტი ნინო ბაკურაძე გადაცემაში "პირადი ექიმი" განმარტავს, დღის რომელ მონაკვეთშია ანალიზების ჩატარება უმჯობესი და სასურველია თუ არა საკვებისა თუ პრეპარატების მიღება ანალიზებამდე:

"სასურველია, რომ ყველა ანალიზი დილის 8 საათიდან 10 საათამდე ინტერვალში, უზმო მდგომარეობაში ჩატარდეს, როდესაც ორგანიზმი ყველაზე უფრო მოსვენებულია და მზადაა ტესტირებისთვის. ადამიანს არ უნდა ჰქონდეს მიღებული მედიკამენტი, რომელსაც ამა თუ იმ პარამეტრზე გავლენის მოხდენა შეუძლია. ამიტომ, როდესაც პაციენტი კლინიკურ-ლაბორატორიული კვლევისათვის მიდის, აუცილებელია, ექიმს დაეკითხოს, "ხვალ მივდივარ ლაბორატორიულ ტესტირებაზე, მივიღო თუ არა ეს მედიკამენტი, ვიდრე იმ ანალიზებს
ჩავიტარებ, რომლებიც თქვენ გაინტერესებთ".  შეიძლება ვამბობდეთ, რომ მედიკამენტები კონკრეტულ პარამეტრზე მოქმედებს, მაგრამ ექიმს შესაძლოა სწორედ კონკრეტული მედიკამენტის ფონზე აინტერესებდეს პარამეტრის მონაცემი. გარდა ამისა, არსებობს თავად მედიკამენტების ორგანიზმში კუმულციის უნარი, ამიტომ, მე თუ ერთი კვირის განმავლობაში გარკვეულ პრეპარატს ვსვამთ, დილით ამ მედიკამენტის არდალევა, არამართებულია იმიტომ, რომ, რეალურად, 6-7 დღის განმავლობაში მიღებული მედიკამენტის ბიოლოგიურად აქტიური ნივთიერებები, რომლებიც ჩვენს ორგანიზმში გროვდება, უკვე მოქმედებს."

altრას გვეუბნება შარდის საერთო ანალიზი და რას უნდა მიაქციოს ყურადღება მშობელმა?

altრას გვიჩვენებს სისხლის საერთო ანალიზი და რამდენ ხანში ერთხელ უნდა გაუკეთდეს ის ბავშვს?


419
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები