ბანაობა კისერზე ჩამოცმული გასაბერი რგოლითა და სამკლავურებით - რაში ეხმარება ბავშვს და როდისაა აკრძალული
ბანაობა კისერზე ჩამოცმული გასაბერი რგოლითა და სამკლავურებით - რაში ეხმარება ბავშვს და როდისაა აკრძალული

ბევრ მშობელს აინტერესებს, შესაძლებელია თუ არა ბავშვის ბანაობა გასაბერი რგოლით, არის თუ არა საზიანო და რომელი ასაკიდანაა მისი გამოყენება რეკომენდებული. ასევე, როდიდან შეიძლება საცურაოდ გასაბერი სამკლაური ან ჟილეტი გამოიყენონ.

როგორც სპეციალისტები ამბობენ, 1 თვემდე ასაკის ბავშვისთვის თავზე ჩამოსაცმელი გასაბერი წრის გამოყენება კატეგორიულად არ შეიძლება. მას ჯერ კიდევ არ აქვს გამყარებული კუნთი კისრის მიდამოში და თავის სწორ მდგომარეობაში დაჭერა არ შეუძლია. გარდა ამისა, კისრის ნაწილის დაზიანების რისკიც არსებობს, რადგან კისრის მალები ჯერ კიდევ არ არის სრულყოფილად ჩამოყალიბებული. როდესაც ბავშვს კისრის ირგვლივ
აქვს მსგავსი საცურაო წრე და ცურავს მუცლით, კისრის ასეთმა არაფიზიოლოგიურმა განლაგებამ შესაძლოა აღნიშნულ ზონაში სისხლის მიმოქცევის დარღვევა გამოიწვიოს.

ბავშვებისთვის ცურვა სასარგებლოა. ის ხელს უწყობს კუნთოვანი სისტემის ფორმირებასა და ხერხემლის განვითარებას. პატარას ჰიპერტონუსისგან ათავისუფლებს და მშვიდ ძილსაც განაპირობებს. მაგრამ, თავიდან აუცილებელია სპეციალურ ადგილებს მიმართოთ და ინსტრუქტორიც აიყვანოთ, რომ ყველაფერი სწორად გააკეთოთ.

როდის არ შეიძლება კისრის საცურაო წრის გამოყენება:

  • 1,5 თვის ასაკის ჩათვლით მისი გამოყენება არ შეიძლება;
  • თუ თქვენს შვილს ერთ თვემდე რუტინული შემოწმება არ გაუვლია. ამ პერიოდში აუცილებლად უნდა მიხვიდეთ პედიატრთან, ნევროლოგთან, ოფთალმოლოგთან, ქირურგთან, გააკეთოთ სხვადასხვა ორგანოსა თუ სისტემის ულტრაბგერითი გამოკვლევა;
  • არ შეიძლება გამოყენება, როდესაც ბავშვს შიდაქალისწნევა აქვს მომატებული;
  • თუ კისერზე გამონაყარი, ჭრილობა ან სიწითლეა;
  • კისრის არეში ალერგიული რეაქციის რისკი არსებობს.
ბავშვისთვის
საცურაო გასაბერი წრის გამოყენება მაშინაა რეკომენდებული, როცა გამართულად იწყებს სიარულს, 12-14 თვიდან, რა თქმა უნდა, უფროსების მეთვალყურეობის ქვეშ.
გასაბერი სამკლაურის ან ჟილეტის გამოყენება 3 წლიდანაა შესაძლებელი. მანამდე მათ გამოყენებას აზრი არ აქვს და ცურვაში, პირიქით, ხელს შეუშლიან. ბავშვი ამ დროისათვის უკვე მომზადებული უნდა იყოს და გასაბერი სამკლაური დაზღვევის მიზნით უნდა ეკეთოს.

altთუ ბავშვმა ბანაობა შეიძულა - როგორ მოვიქცეთ

alt რატომ იქცევა ბავშვისთვის ბანაობა "ტანჯვად" და როგორ უნდა მოიქცეს მშობელი, რომ დაბანა შეაყვაროს - ფსიქოთერაპევტ თამარ ბასიაშვილის რჩევები


213
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები