"მესამე ტალღისგან განსხვავებით, მძიმე შემთხვევები ნებისმიერ ასაკში შეიძლება გამოვლინდეს" - თამარ გაბუნია კორონავირუსის ახალი შემთხვევების სირთულეზე
14:43 / 09-08-2021
"მესამე ტალღისგან განსხვავებით, მძიმე შემთხვევები ნებისმიერ ასაკში შეიძლება გამოვლინდეს" - თამარ გაბუნია კორონავირუსის ახალი შემთხვევების სირთულეზე
"როგორც კლინიცისტები აღწერენ, მესამე ტალღისგან განსხვავებით, მძიმე შემთხვევები ნებისმიერ ასაკში შეიძლება გამოვლინდეს", - ამის შესახებ ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს დასრულების შემდეგ განაცხადა.
მისი თქმით, ბევრ შემთხვევაში გარდაცვალება თანხმლებ მძიმე დაავადებას უკავშირდება.
"ამასთან ერთად, მნიშვნელოვანია აცრის სტატუსიც. საბედნიეროდ, ორჯერ აცრილებში გარდაცვალება თითქმის არ არის, ასევე ერთხელ ვაქცინირებულებში დაავადების მიმდინარეობა არის საკმაოდ მსუბუქი“, - განაცხადა თამარ გაბუნიამ.
შეგახსენებთ, ბოლო 24 საათში გამოვლინდა ვირუსით ინფიცირების 2 236 ახალი დადასტურებული შემთხვევა და 44 ადამიანი გარდაიცვალა.