ექიმი ნუტრიციოლოგი, კვების ეროვნული ცენტრის დირექტორი
მარი მალაზონია გადაცემაში
"პირადი ექიმი" განმარტავს, რომელი საკვები და დანამატები უნდა მიიღოთ ძვლების გასამაგრებლად, რათა საყრდენი სისტემა ჯანმრთელი და მტკიცე იყოს.
- დღეს ვიცით მედიცინის მიერ აღიარებული სამი გასაღები გასაღები ნუტრიენტი, რომლებიც პრობლემის მოსაგვარებლადაა დასახლებული - ესენია: კალციუმი, D3 ვიტამინი და მაგნიუმი. ერთდროულად ეს სამი საკვები ნივთიერება განსაზღვრავს, რამდენად ეფექტურად აღებს ჩვენი გასაღები იმ პრობლემის კარს, რომელსაც ძვლების ჯანმრთელობა ჰქვია. თუ ადამიანს ფეხი აქვს მოტეხილი, ჩაუტარდა ოპერაცია, ან სჭირდება ქირურგიული მანიპულაცია, საკვები ძირითადი სამკურნალო მეთოდი არ არის. კვება დამხმარე მეთოდია, რომელიც გვეხმარება შევინარჩუნოთ ის ეფექტი, რომელიც სამკურნალო მეთოდითაა მიღწეული, ან თავიდან ავიცილოთ სხვადასხვა რისკი, რომელიც ძირითადი მეთოდით გამოწვეულ შედეგებს დაამძიმებდა. შესაძლოა, რთულად ჟღერს, თუმცა სინამდვილეში მარტივადაა საქმე. კვებით ტრავმატოლოგიურ-ორთოპედიულ პრობლემებს რადიკალურად ვერ ავიცილებთ თავიდან, კვებით მნიშვნელოვნად ვერ ვუმკურნალებთ, მაგრამ დამხმარედ გამოვიყენებთ.
შემდეგი კლასიფიკაცია სანდო მტკიცებულებით გამოყვეს. სხვადასხვა ქვეყანაში ჩატარებული, მრავალრიცხოვანი კვლევებით ჩამოაყალიბეს სამი საკვები ნივთიერება, რომლებიც ზემოთ ჩამოთვლილ საკვებ ნივთიერებებთან ერთად უმნიშვნელოვანეს კომბინაციას ქმნის და სანდო მტკიცებულებით გვეხმარება ძვლების ჯანმრთელობის შენარჩუნებასა და მათი აღდგენის პროცესში. ესენია: ფოსფორი, კალიუმი და A ვიტამინი.
აუცილებელია, მაგრამ ზოგიერთ შემთხვევაში, თუ ყველა პრობლემა მოგვარებულია, სხეული უკვე დასახლებეული ნივთიერებებიდან უზრუნველყოფილია, შესაძლოა ორგანიზმმა ხარვეზები დროებით გვაპატიოს. მაგრამ, რეალურად, ორგანიზმს, ძვლოვანი ჯანმრთელობისთვის სჭირდება დამატებით თუთია, B12 ვიტამინი, C ვიტამინი, K ვიტამინი, ბორი, სპილენძი და სილიციუმი.
როგორ გამოიყურება ეს ყველაფერი საკვების სახით:
ძვალიც კი ჯანმრთელობისათვის წყალს მოითხოვს. წყლის ადექვატური მოხმარება, საშუალოდ, კილოგრამ წონაზე 30 მილილიტრის გადათვლით, ეს არის ის ფიზიოლოგიური, სასიცოცხლო მოთხოვნილება, რომელიც ყოველდღიურად უნდა დაკმაყოფილდეს. ცხადია, ამას თან დაერთვის ინდივიდუალური მოთხოვნილებები. მაგალითად: გაზრდილი მოთხოვნილება ვარჯიშის დროს, ზაფხულზე, ცხელი შხაპის მიღების დროს და ასე შემდეგ. რაც შეეხება საკვებ ნივთიერებებს, როგორც წესი, საზოგადოებაში დამკვიდრებულია აზრი, რომ კალციუმი მხოლოდ რძის პროდუქტებით შეიძლება შევავსოთ. სინამდვილეში, უკეთეს შედეგს მცენარეული და ცხოველური წარმოშობის პროდუქტების კომბინაცია გვაძლევს. აღმოჩნდა, რომ სწორედ ცხოველური და მცენარეული წარმოშობის პროდუქტების კომბინაციაა ძალიან მნიშვნელოვანი. გარდა რძის ნაწარმისა, კალციუმით მდიდარია: ბროკოლი, სხვადასხვა სახეობის კომბოსტო. რკინითა და კალციუმით მდიდარია მშრალი ლობიო. ასევე, სხვადასხვა სახის თხილეული და თესლი. მაგალითად, მზესუმზირის, გოგრის თესლი, რომელიც ამავე დროს, თუთიის მაღალი შემცველობით გამოირჩევა. რაც შეეხება დანამატის სახით მიღებულ კალციუმს, ბოლო მონაცემებით, თუ არ არის ორგანიზმში იდეალური კომბინაცია ფოსფორის, მაგნიუმის, D3 ვიტამინის კალციუმთან თანაფარდობის, შედეგად კალციუმი მიდის არა ძვალში, არამედ სისხლძარღვსა და გულის კუნთში. ეს არის ერთ-ერთი ყველაზე სარისკო მდგომარეობა, რაც შეიძლება თქვენს ორგანიზმს შეუქმნათ. ამიტომ, კალციუმის დანამატები არასოდეს მიიღოთ თვითნებურად. ეს არის კატეგორიული რეკომენდაცია, რომელიც ასევე ევროპის კარდიოლოგთა ასოციაციამაც დაადასტურა.
რაოდენობრივი განსაზღვრა ძალაში რჩება. თუ ჩვენ 19 წლამდე ასაკის ადამიანებზე ვლაპარაკობთ, კალციუმის 1300-1400 მილიგრამის მოხმარებაზეა საუბარი. პირობითად, ეს არის 4 ჭიქა რძე და ცოტა მეტი. ეს არ ნიშნავს, რომ მაინცდამაინც რძე უნდა დავლიოთ იმისათვის, რომ ეს რაოდენობა შევავსოთ. ეს არის პირობითი, სიმბოლური გადათვლა. 19 წლიდან 50 წლამდე 1000-მილიგრამიანი რაოდენობა, რომელიც გულისხმობს, 3 ჭიქასა და ცოტა მეტ რძეს. ხოლოდ 50 წელს ზემოთ 1200-მილიგრამიანი ზღვარი არსებობს, რომელიც ზუსტად 4 ჭიქა რძეს გულისხმობს. რამ შეიძლება დააზარალოს ჩვენი ორგანიზმი?
თუ ჩვენ დღის განმავლობაში სულ ცოტა 5 ჯგუფის, ფერის პროდუქტს ვიღებთ, ეს იმას ნიშნავს, რომ დღიური რაციონის ნახევარი ბოსტნეული და ხილი გვაქვს, მეორე ნახევარი მარცვლეული, ბურღულეული, ცილივან კომპონენტთან ერთად. რძის ნაწარმი შეგვიძლია, როგორც ცალკე ჯგუფი, ისე განვიხილოთ, განსაკუთრებით ძვლის ჯანმრთელობასთან დაკავშირებით. ან გავითვალისწინოთ ჰარვარდის რეკომენდაცია და ცილოვან კომპონენტთან შევიტანოთ და წყლისა და ცხიმის ჩართულობის გავითვალისწინოთ.
მაგრამ, ყველა იმ ადამიანს, ვისაც ჩვევა აქვს, თუნდაც დღეში ერთი ულუფა ალკოჰოლი მიიღოს, მაგნიუმის დანაკარგი გაზრდილი აქვთ. თუ თქვენ კუჭის პრობლემების გამო პროტონული ტუმბოს ინჰიბიტორებს ყოველდღიურად იღებთ, მაშინ თქვენი ორგანიზმი კარგავს მაგნიუმს და ეს უნდა გაითვალისწინოთ.
რომელი საკვები უწყობს ხელს ძვლების გამაგრებას და რატომ უნდა მიიღოს ბავშვმა მაწონი ანტიბიოტიკებით მკურნალობისას
7 საუკეთესო პროდუქტი ძვლებისთვის