რომელი საკვები გვეხმარება არტერიული წნევის დარეგულირებაში - მარი მალაზონიას რჩევები


ექიმი ნუტრიციოლოგი, კვების ეროვნული ცენტრის დირექტორი მარი მალაზონია გადაცემაში "პირადი ექიმი" განმარტავს, რა რაოდენობის მარილი, ცხიმი და ხილი და ბოსტნეული უნდა მიიღოს ადამიანმა, თუ მას არტერიული ჰიპერტენზია აქვს და რა მნიშვნელობა აქვს წყლის რაოდენობის ინდივიდუალურ განსაზღვრას ასეთ დროს:

- დადგენილია, რომ წყლის მოხმარება არტერიულ წნევაზე გავლენას ახდენს. ძალიან ბევრ ფაქტორს ვითვალისწინებთ, მაგრამ ყველაზე სწორი რეკომენდაცია კილოგრამ წონაზე 30 მილილიტრის გამოყენებას გულისხმობს. მაგრამ, ეს ზოგადი რეკომენდაციაა და ინდივიდუალური თავისებურებების გათვალისწინება ყველა შემთხვევაში აუცილებელია. თუ არტერიული ჰიპერტენზია
გულის უკმარისობის ფონზეა, მაშინ ჩვენ, გულის უკმარისობიდან გამომდინარე, მოხმარებული წყლის რაოდენობას ვსაზღვრავთ. ასაკიც გასათვალისწინებელია და აქაც სპეციალური ინდექსები და სქემებია, რომლებიც გვავალდებულებს, გავითვალისწინოთ, როგორი უნდა იყოს წყლის მოხმარება. კონკრეტული მედიკამენტების გამოყენება წყლის მოხმარების ბალანსს განსაზღვრავს, რაც ინდივიდუალურად, ცალკეული პაციენტის შემთხვევაში უნდა გადაწყდეს. აღმოჩნდა, რომ წნევის მართვისთვის ადექვატური ცილოვანი მოხმარება უმნიშვნელოვანესია. მოგეხსენებათ, რომ ცილას ყველანაირი ფუნქციის შესრულება შეუძლია, დაწყებული სამშენებლო ფუნქციისა, დამთავრებული ჰორმონებით, სხვადასხვა ფერმენტით და ასე შემდეგ. მთავარ ინსტრუმენტებად, რომლებიც ყოველდღიურ ცხოვრებაში შეგიძლიათ შეცვალოთ.
mshoblebi
ამერიკის კარდიოლოგთა ასოციაციამ საგანგებოდ მარილის მოხმარება გამოყო. როდესაც სიხლძარღვის ჯანმრთელობაზე, არტერიული წნევის ნორმალური პარამეტრების შენარჩუნების წინაპირობაზე ვსაუბრობთ, საბაზისო რაოდენობის გათვალისწინება გვჭირდება. ამაზე მეტი არ უნდა მოვიხმაროთ - ეს არის 1 ჩაის კოვზი მარილი. ამის მიღმა 2
400 მილიგრამი ნატრიუმი ივარაუდება. დღეს სწორედ ნატრიუმის გადათვლა ხდება და არა უბრალოდ სუფრის მარილის იმისათვის, რომ ჯანმრთელობის რისკები შევაფასოთ. მაგრამ, თუ ჩვენ ხშირად გვაქვს არტერიული წნევა, 1 ჩაის კოვზი 2/3 ჩაის კოვზამდე უნდა შევამციროთ. 2/3 უკვე შემცირებულ ნატრიუმს, 1500 მილიგრამამდე გულისხმობს. ეს პარამეტრები ძირითადად გათვალისწინებულია დიეტური მიდგომის დროს არტერიული ჰიპერტენზიის შესაჩერებლად. ასეთ შემთხვევაში, დღიურად ცხიმის მოხმარება 2-3 ულუფად უნდა იყოს ნაგულისხმევი. აქედან 1 ულუფა 1 სადილის კოვზს გულისხმობს. ხოლო, რაც შეეხება ხილსა და ბოსტნეულს, სულ ცოტა 4-5 ულუფა უნდა იყოს რაციონში. აქედან ულუფა, თუ ხილსა და ბოსტნეულს ნედლი სახით ვიღებთ, დაახლოებით, 1 ჭიქა უნდა გამოდიოდეს, ხოლო, თუ თერმულადაა დამუშავებული, მაგალითად პიურეს სახით, წვნიანის შემადგენლობაში, ეს დაახლოებით ნახევარი ჭიქა უნდა იყოს. ამ პროდუქტებში კალიუმის, მაგნიუმის, კალციუმის შემცველობის აუცილებლობაც უნდა გავითვალისწინოთ.

mshoblebi

რაც შეეხება რეკომენდაციას კოვზებზე, ეს იმას არ ნიშნავს, რომ ჩვენ ყოველ ჯერზე ვიღებთ და მართლაც ერთი სადილის კოვზ ზეთს, კარაქს ან მარგარინს ვიყენებთ. უფრო მეტიც, ვითვალისწინებთ, რომელი ტიპის ცხიმს გამოვიყენებთ. თუ ეს ტექნოლოგიურად დამუშავებული, განსაკუთრებით ხელოვნურად გამყარებული, ტრანსცხიმების წყარო პროდუქტი, მაშინ გაცილებით უფრო ფრთხილად ვითვლით ამ ყველაფერს, ხოლო ჯამური რაოდენობა უკვე მზა პროდუქტში, დამატებულ ცხიმში იგულისხმება. ჯამური რაოდენობა არ უნდა აღემატებოდეს სადილის კოვზს. ასევე, კოვზი არ უნდა იყოს გადავსებული. დამატებული შაქარი საერთო რაოდენობის მხოლოდ 40%-ია, დანარჩენი 60% უკვე საკვებ პროდუქტებშია. აქედან გამომდინარე, როდესაც საკვებს ვამატებთ, ჩაის კოვზიდან მხოლოდ 40% შეგვიძლია დასამატებელ მარილად გავითვალისწინოთ. ხოლო, თუ 2/3-მდე შევამცირებთ, ასეთი ადგილი პრაქტიკულად არ გვრჩება და ჩვევა, რომ საკვებს მარილი ზემოდან მოვაყაროთ, მაშინ, როდესაც არტერიულ ჰიპერტენზიას ვმართავთ, პრაქტიკულად, დასათმობია.
ასევე, შეგვიძლია თუ არა არტერიული ჰიპერტენზიის დროს ყველი, მაწონი, თამამად გამოვიყენოთ - გავითვალისწინოთ, როდესაც ცხიმის კონტროლსა და ქოლესტეროლის ჩვენს ორგანიზმში შემცველობაზეა საუბარი, რძის ნაწარმის გათვალისწინება ამ ნიშნით აუცილებლად გვჭირდება. ასევე, ყველის შეფასებისას გავითვალისწინოთ, რომ ულუფის განსაზღვრა მასაც სჭირდება. ულუფა, დაახლოებით, 40 გრამამდე გამოდის და თუ ამ მიდგომას სიმლაშისა და ცხიმიანობის გათვალისწინებით გამოვიყენებთ, ეს ნიშნავს, რომ შეიძლება წყალი დავასხათ და მარილიანობა და ცხიმიანობა მოვაშოროთ. ასეთ შემთხვევაში, ცოტა უფრო თამამად გამოვიყენებთ რაციონში.

altმკვლელი დაავადება, რომელსაც ზედმეტი მარილის მოხმარება იწვევს - საქართველოში მოსახლეობის ნახევარზე მეტი ჭარბი მარილის მომხმარებელია

altროგორია სუფრის მარილის დასაშვები დღიური დოზები - პედიატრის პასუხი

altრა არის ჰიმალაის მარილი და რატომ მიიჩნევენ მას ეკოლოგიურად ყველაზე სუფთა მარილად?


1748
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
ასევე დაგაინტერესებთ
მსგავსი სიახლეები