რომელ ასაკში უნდა დაიწყოს ბავშვმა ლაპარაკი და როდის ითვლება დაგვიანებულად პატარას ალაპარაკება რომელ ასაკში უნდა დაიწყოს ბავშვმა ლაპარაკი და როდის ითვლება დაგვიანებულად პატარას ალაპარაკება? - ამ და სხვა კითხვებს ფსიქოთერაპევტი, დავით ანდღულაძე პასუხობს.
- რომელი ასაკიდან იწყებს ბავშვი სრულყოფილად ლაპარაკს?
- ეს არის ინდივიდუალური. შეიძლება ბავშვი 2 წლის ასაკში სრულიად გამართულად მეტყველებდეს. შესაძლებელია 4 წლის ასაკამდე საკმაოდ გაუგებარი იყოს მისი საუბარი. მაგრამ ყოველი კონკრეტული შემთხვევა არის ინდივიდუალური.
- როგორ მოვიქცეთ როცა პატარას ენა ებმის?
- გასარკვევია რა მიზეზით ებმის ენა. ეს არის კონკრეტულად ბგერის ვერგამოთქმის პრობლემა და ბევრი სამუშაოა ამ მხრივ ფსიქოთერაპევტის მიერ. ან არ ებმოდა ენა და შემდეგ დაეწყო ეს პრობლემა. თუ სხვა რამ. ყოველი კონკრეტული შემთხვევის მთავარი პირობაა, რომ ბავშვი უნდა იყო შეფასებული და შესაბამისად შემდეგ მოვიფიქრებთ რა მიმართულებით იქნება ჩარევა საჭირო.
- როგორ გავამდიდროთ პატარების სამეტყველო ლექსიკონი?
- უნდა გვქონდეს რაც შეიძლება ფართო ლექსიკა. ბევრი უნდა ვილაპარაკოთ. არ უნდა გვეზარებოდეს რაღაცის ახსნა. კონკრეტულ თემებზე გაშლილად საუბარი. არის მულტიპლიკაციური ფილმები, ზღაპრის კითხვა ძალიან მნიშვნელოვანია ბავშვისთვის. ყოველდღიურ ცხოვრებაში იმდენ სიტყვას ვერ ვამბობთ რამდენიც გვხვდება ზღაპარში თუ სხვა მხატვრულ ლიტერატურაში. მთავარი არ უნდა გვეზარებოდეს ბავშვთან საუბარი და კითხვა. ეს აფართოებს ბავშვის ლექსიკას.
- არის შემთხვევები, როცა ელდის, შიშის გამო ებმით ენა. ეს განკურნებადია?
- განკურნებადია. საჭიროა ფსიქოთერაპევტის ოპერატიული ჩარევა. საერთოდ, ენაბორძიკობის უმეტესი ნაწილი დაკავშირებულია შიშთან. რაც მთავარია განკურნებადი არის.
გაგრძელება