ქართველი ბავშვების ნამღერით "ქვინის“ შესახებ ყველაზე დიდი ონლაინპლატფორმა დაინტერესდა
ქართველი ბავშვების ნამღერით "ქვინის“ შესახებ ყველაზე დიდი ონლაინპლატფორმა დაინტერესდა
გუშინდელი "ნიჭიერის" სცენაზე ნამდვილი ფურორი მოახდინეს თბილისის ბიჭუნათა კაპელისა და ახალგაზრდული გუნდის მოზარდებმა, მაესტრო გელა ფარჩუკიძის ხელმძღვანელობით. როგორც აღმოჩნდა, მათმა ნამღერმა და მათ მიერ დადგმულმა საოცარმა შოუმ არა მხოლოდ საქართველოში აღაფრთოვანა მაყურებელი. ბავშვებმა უცხოელი მაყურებლის ყურადღებაც მიიპყრეს.

www.aqueenofmagic.com-ის ფეისბუქგვერდმა პატარების ნამღერი განათავსა. ესპანურენოვან გვერდზე "ნიჭიერის" მონაწილეების ნამღერს ამ დროისათვის 4 ათასზე მეტი გაზიარება და უამრავი კომენტარი აქვს. ქუინის უცხოელი ფანები თუ უბრალოდ მუსიკის მოყვარულები აღტაცებულ კომენტარებს არ იშურებენ ბავშვების მისამართით და საუკეთესო ნამღერსა და შესრულებასთან ერთად აღნიშნავენ ბავშვების გარდასახვის უნარს,
იმას, რომ თითოეული მათგანი გრძნობს სიმღერას. "შეხედეთ მათ სახეებს, ეს გამაოგნებელია!" - წერს აღნიშნული ფეისბუქგვერდის ერთ-ერთი უცხოელი მომხმარებელი.

www.aqueenofmagic.com ქვინის შესახებ ერთ-ერთი ყველაზე დიდი ონლაინ პლატფორმაა, რომელსაც მხოლოდ ფეისბუქზე 800,000-ზე მეტი მომხმარებელი ჰყავს. პლატფორმა ქვინის ახალი ამბების ესპანურ ენაზე გასავრცელებლად 2000 წელს შეიქმნა.

იხილეთ პატარების საოცარი ნამღერი "ნიჭიერის" სცენაზე
6443
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
mika
0
პორტალზე გადავდივარ და ამ ვიდეოს ვერ ვპოულობ:(
19:26 / 05-12-2017
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?