იქვე ვთამაშობდით ბავშვები და რომ მოვიდნენ, ახლოს მივედი სოციალურ ქსელში გავრცელებულ ფოტოებში ყურადღება მიიქცია პარლამენტის თავჯდომარესთან – ირაკლი კობახიძესთან ახლოს მდგომმა პატარა გოგონამ, რომელიც მას განსაკუთრებული ინტერესით უყურებს... ვინაიდან ფოტოს ბევრი პოზიტიური კომენტარი მოჰყვა, გადავწყვიტეთ, უსაყვარლესი ნიაკო ჩახაია მკითხველს გავაცნოთ...
- მე ნიაკო მქვია, 8 წლის ვარ... 50-ე სკოლაში ვსწავლობ, მესამე კლასში გადავედი. ორი ძმა მყავს. ერთი ექვსი წლის არის და მეორე წლის და შვიდი თვის... მხატვრულ კითხვაზე დავდივარ, ადრე რუსულზე და ხატვაზე დავდიოდი, ახლა ინგლისურზე უნდა შევიდე.
ნიაკოს დედა, თამუნა შენგელაია:
– ბავშვებს, რომ ვასეირნებდი, ნიაკომ მოირბინა და მითხრა, ტელეფონი მათხოვე, რაღაც უნდა გადავიღო და ჩემს გუბაზ ბიძიას გავუგზავნოო. თან მითხრა, წამოდი გაჩვენებ მაგიდაზე რაები აწყვიაო. მივედით, სადაც ახლადაღმოჩენილი არტეფაქტები იყო გამოფენილი. ნიაკო გვიხსნიდა, მეთორმეტე საუკუნის ნივთებიაო, ადრე მაცივარი რომ არ იყო, ამათში ინახავდნენ ყველაფერსო... ირგვლივ ყველას უკვირდა ბავშვმა, რომ ამდენი იცოდა და თურმე ყველაფერი წინა დღეს ჩემს ძმას ჰქონდა ახსნილი... შემდეგ მე ნიაკო დავტოვე ბავშვებთან და წამოვედი. ცოტა ხანში ძალიან გახარებულმა და ბედნიერმა მოირბინა, ირაკლი კობახიძე და კახი კალაძე ვნახე, მათ თავზე ხელი გადამისვეს და მომეფერენო... იმდენად გახარებული და აჟიტირებული იყო, მთელი დღე საინფორმაციოებს უყურებდა, მეც გამოვჩნდებიო. ტელევიზიით არა, მაგრამ სოციალურ ქსელში ბევრმა ნახა ნიაკოს ფოტო...
მანანა გაბრიჭიძე