ამ კანონპროექტის მიზანი არის მარწუხების მოჭერა ყველა გაგებით გარკვეული დღეების განმავლობაში არაერთი შემთხვევა დაფიქსირდა სკოლებში და სკოლების მიმდებარე ტერიტორიაზე არასრულწლოვნების მოზარდების მხრიდან მარიხუანის მოხმარების ფაქტების, - ამის შესახებ შინაგან საქმეთა მინისტრის მოადგილე ნათია მეზვრიშვილმა იურიდიულ საკითხთა კომიტეტის სხდომაზე, მარიხუანის მოხმარების რეგულირების შესახებ კანონპროექტის განხილვისას განაცხადა.
„დიახ, ამ კანონპროექტის მიზანი არის მარწუხების მოჭერა ყველა გაგებით. მე ვადასტურებ აქაც, გარეთაც და ყველა პლატფორმიდან და ყველა შეხვედრაზე. დიახ, საკონსტიტუციო სასამართლომ დაუშვა მარიხუანის მოხმარება პირად სივრცეში, სხვაგან ყველგან ეს კანონპროექტი ითვალისწინებს მარწუხების მოჭერას. ეს კანონპროექტი გულისხმობს იმას, რომ საზოგადოებრივი თავშეყრის ადგილებში, სკვერებში, პარკებში, სკოლებში არასრულწლოვნების თანდასწრებით, ვერავინ მოწევს მარიხუანას და თუ მოწევს დაეკისრება შესაბამისი ადმინისტრაციული პასუხისმგებლობა. ამას აქვს თავისი ლეგიტიმური მიზანი. არ ვიცი ახლა ჩვენ თუ იმაზე უნდა ვიკამათოთ არასრულწლოვნის თანდასწრებით, საზოგადოებრივი თავშეყრის ადგილებში მარიხუანის მოწევა უნდა ისჯებოდეს თუ არ უნდა ისჯებოდეს. მათ შორის იმ ქვეყნების მაგალითზე, რომლებიც თქვენ მოგყავთ მაგალითად, რომლის პრაქტიკასაც თქვენ ძალიან ხშირად იშველიებთ. არც ერთ ევროპის ქვეყანაში, ამერიკის შეერთებულ შტატებში, საზოგადოების თავშეყრის ადგილებში, სკვერებში, სკოლებში, პარკებში, ბავშვების თანდასწრებით, არსად მარიხუანის მოხმარება დასაშვები არ არის. სახელმწიფოს და ამ შემთხვევაში შინაგან საქმეთა სამინისტროს უმთავრესი ამოცანაა, რომ დაიცვას მართლწესრიგი და დაიცვას საზოგადოებრივი წესრიგი და პირველ რიგში ნარკოტიკული საშუალების გავრცელებას არ შეუწყოს ხელი და თუნდაც მარიხუანის გავრცელებას არ შეუწყოს ხელი. ეს გახლავთ ამ კანონპრექტის მიზანი და ეს არის ამ კანონპროექტის მთავარი ამოსავალი.
არაერთი შემთხვევა დაფიქსირდა სკოლებსა და სკოლების მიმდებარე ტერიტორიაზე არასრულწლოვნების მოზარდების მხრიდან მარიხუანის მოხმარების ფაქტების. ახლა თუ იმაზე ვსაუბრობთ, რომ ჩვენ არ გვჭირდება რეგულაციები და ყველას ყველგან შეუძლია მოიხმაროს და თუ იმაზე ვსაუბრობთ და ვერ ვაცნობიერებთ საფრთხეებს, რომ არასრულწლოვნებისთვის ამ ნარკოტიკული საშუალების თუნდაც მარიხუანის ხელმისაწვდომობას რა შედეგებამდე შეიძლება მივიყვანოთ, ნუ მაშინ საერთოდ ამ დისკუსიას აზრი არ აქვს,“ - განაცხადა ნათია მეზვრიშვილმა.
მარიხუანის მოხმარების რეგულირების შესახებ კანონპროექტის განხილვაზე დისკუსია გაიმართა.
თუ პირი კლინიკური თრობის ქვეშაა საჭესთან და ამას დაადასტურებს გამოკვლევა ან ტესტი, მხოლოდ მაშინ დაეკისრება მას სისხლის სამართლებრივი პასუხისმგებლობა და არა იმ შემთხვევაში თუ ამ პირმა ნარკოტიკული ნივთიერება მოიხმარა 40 ან მაგალითად 3 დღის წინ, - აღნიშნა ნათია მეზვრიშვილმა.
თუ მომავალი მამა მარიხუანას (კანაფს) ეწევა - რა გავლენა შეიძლება მოახდინოს ამან ნაყოფზე
მეზვრიშვილის თქმით, ვიდრე სპეციალური ტესტების შეძენა მოხდება, ნარკოტიკული ნივთიერების ქვეშ მყოფ პირს შესაბამისი სამსახურის წარმომადგენლები გადაამოწმებენ, თუმცა ტესტების შესყიდვის შემდეგ გადამოწმება ისევე მოხდება როგორც ალკოტესტით ხდება.
„ტესტს აქვს ფუნქცია განსაზღვროს მოხმარების დრო, ანუ როდის მოიხმარა. ჩვენ ვამბობთ, რომ სისხლის სამართლებრივი წესით ვსჯით მხოლოდ ისეთ პირებს, რომლებიც ავტომობილის მართვის მომენტისთვის იმყოფებიან ნარკოტიკული საშუალების ზემოქმედების ქვეშ. ანუ მარტივად რომ ვთქვათ, კლინიკური ზემოქმედების ქვეშ. თუ პირმა 40 დღის წინ მოიხმარა ნარკოტიკული საშუალება და სისხლში ჯერ კიდევ აქვს და მართავს ავტომობილს, მაგრამ კლინიკურად ზემოქმედების ქვეშ არ იმყოფება, სისხლის სამართლებრივი პასუხისმგებლობა არ დაეკისრება. ეს რომ გადავამოწმოთ დღეისთვის არსებობს შესაბამისი მექანიზმები, შსს პასუხისმგებელი პირები, ექსპერტები აკეთებენ ამას, მომავალში ამას ჩაანაცვლებს შესაბამისი ტესტები, როგორიც გვაქვს მაგალითად ალკოტესტი.
ეს ტესტები მესამე მოსმენამდე იქნება თუ არა, ამ ეტაპზე თქმა ძნელია. საბოლოო შესყიდვის პროცედურები არ დაწყებულა. მთავარია, რომ კანონის ამოქმედება არ გადავდოთ. ტესტის გარეშეც შესაძლებელია კანონის აღსრულება“, - განაცხადა ნათია მეზვრიშვილმა. განაგრძეთ კითხვა