გოგონებმა, რომლებიც მოდელობაზე ოცნებობდნენ, ანორექსიამდე მიიყვანეს საკუთარი ორგანიზმი სოციალურ ქსელში დიდი ხანია განიხილება 14 წლის მაშასა და დაშას ისტორია. გოგონებმა, რომლებიც მოდელობაზე ოცნებობდნენ, ანორექსიამდე მიიყვანეს საკუთარი ორგანიზმი. ჟურნალისტებმა ახალი ინფორმაცია მოიძიეს მათზე. ტყუპი დები მივიდნენ სამოდელო სააგენტოში. მათ თითქოს ურჩიეს 5 კგ.-ით წონაში დაკლება.
გოგონები ისე გაერთნენ მკაცრი დიეტით, რომ გამოფიტვამდე მიიყვანეს ორგანიზმი. მაშას წონა ამჟამად 40 კგ.-ს შეადგენს, დაშასი კი - 36კგ.-ს. აღმოჩნდა, რომ სააგენტოს წარმომადგენლებს, ვისთანაც ტყუპები თანამშრომლობდნენ, არ მოუთხოვიათ წონაში დაკლება. ჯერ კიდევ გაზაფხულზე მათი წონა 50 კგ იყო.
"ეს იყო დამაკმაყოფილებელი წონა. ჩვენ არ მოგვითხოვია წონაში დაკლება. სექტემბერში დედამ მომიყვანა გოგონები, რომლებიც უკვე კრიტიკულ სიტუაციაში იყვნენ. იმის მიუხედავად, რომ ვეუბნებოდი, გოგონები მიეყვანა სპეციალისტთან, ის უარს აცხადებდა და ამბობდა, რომ გოგონებმა უკეთ დაიწყეს ჭამა და რომ მათ არაფერი აწუხებდათ", - აცხადებს სააგანტოს დირექტორი.
ბავშვთა უფლებების დამცველმა კომანტარი გააკეთა. მან აღნიშნა, რომ მაშა და დაშა საავადმყოფოში მოხვდნენ ოქტომბრის ბოლოს. დებს ჩაუტარდათ გამოკვლევა და გაიგეს დიაგნოზის შესახებ. კლინიკაში 2 კვირა გაატარეს, რის შემდეგაც დედამ გადაწყვიტა მათი კლინიკიდან წამოყვანა.
უკანასკნელი მონაცემებით, ახლა ადგილობრივ საავადმყოფოში იმყოფებიან, სადაც უტარდებათ შესაბამისი მკურნალობა. ცნობილია, რომ ტყუპებს დიდი ხნით ესაჭიროებათ ჰოსპიტალიზაცია.