"საცივს ადუღება არ სჭირდება" - მეგრული საცივი გამოცდილი დიასახლისისგან
"საცივს ადუღება არ სჭირდება" - მეგრული საცივი გამოცდილი დიასახლისისგან
ქართულ საახალწლო სუფრაზე საპიტიო ადგილს ტრადიციულად საცივი იკავებს. შესაბამისად, ამ კერძის მომზადებას ყველა დიასახლისი საუკეთესო რეცეპტით ცდილობს. სამაგიეროდ, დღემდე დავაა, როგორი რეცეპტი ითვლება საუკეთესოდ, აქედან გამომდინარე, დიასახლისებიც ბევრს კამათობენ. 
ყველაზე რადიკალური განსხვავება მაინც მეგრულ საცივთან დაკავშირებით იჩენს ხოლმე თავს, რადგან ამ კუთხეში საცივის წამოდუღება მიღებული არ არის. 
იმაზე, თუ როგორ უნდა მომზადდეს მეგრული საცივი, გამოცდილი მეგრელი დიასახლისი რჩევებსაც მოგვცემს და რეცეპტსაც გაგვიზიარებს.

საჭირო ინგრედიენტები:

  • ინდაური
  • თეთრი ფერის ნიგოზი (ერთ საშუალო ზომის ინდაურს
    800 გრამი ნიგოზი ჰყოფნის)
  • ქართული ნიორი 3-4 კბილი
  • დაფქული წიწაკა
  • უცხო სუნელი
  • ყვითელი ყვავილი
  • ხმელი და ნედლი ქინძი
  • მარილი

- კარგად დავარჩიოთ ნიგოზი და მასთან ერთად დავაბლენდეროთ ცოტა ქართული ნიორი, დაფქული წიწაკა, უცხო სუნელი, ყვითელი ყვავილი და ხმელი ქინძი გემოვნებით, შემდეგ მომზადებულ მასაში ჩავასხათ ინდაურის გაციებული ნახარში, შევაზაოთ მარილით გემოვნებით და ყველაფერი ერთად ხელახლა დავაბლენდეროთ. მე ასევე ვამატებ ნედლი ქინძის წვენს,(რომელიც მანამ მაქვს დაბლენდრებული, სანამ, ნიგოზის და სუნელების დამუშავებას ვიწყებ) ერთი სუფრის კოვზის ოდენობით, რადგან კარგ არომატს აძლევს.

- რა რაოდენობით უნდა შევაზავოთ ინდაურის ნახარში?

- ნიგოზის და სუნელების ნაზავი ნახარში უნდა შევაზავოთ სისქის მიხედვით. ისე კი ერთი კილოგრამი ნიგოზით კეთდება სამი ლიტრი საცივი.
საშუალო ზომის ერთი ინდაურის საცივის
გასაკეთებლად საჭიროა 800 გრამი ნიგოზი.

- საცივის წამოდუღებაზე რას გვეტყვით?


- მეგრულს საცივს არც ვადუღებთ, არც ვაცხელებთ. საცივის წამოდუღება იმერეთში იციან.

- ხორცი საცივში თავიდანვე უნდა ჩავალგოთ, თუ სუფრაზე მიტანის დროს?


- საერთოდ, წესი ასეთია, რომ ინდაური საცივში უნდა ჩავაწყოთ, თუმცა ამ ბოლო დროს ზოგიერთი დისახლისი გაკეთებისთანავე არ აწყობს და  ცალკე აქვს საცივის წვენი და მერე ალაგებს ხორცს, სუფრაზე გატანის დროს, რადგან ფიქრობენ, რომ საცივი ზედმეტად სქელდება ხორცთან ერთად. ეს უკვე გემოვნების და გამოცდილების საკითხია.





39348
ბეჭდვა
მოგვწერეთ თქვენი შეკითხვები და მოსაზრებები
კომენტარები (27)
Irma
0
ბაჟეს უნდა ცოცხალი ქინძი მწვანე წიწაკა და ცოტა ნიორი და ნიგოზი.მორჩა არც საცივს ვხარშავ და არც ბაჟეს.მოხარშული ვიცი მე ხარჩო და ხაშლამა.:)გილოცავთ ახალ წელს
07:21 / 30-12-2018
უცნობი
2
ჩვენ ასეთი საცივი ვიცით სამეგრელოში, თქვენ თუ გინდა მოხარშეთ და რაც გინდა ის უქენით. რატომ ამტკიცებთ რომ ეს გურულების ბაჟეა, იყოს მათი ბაჟე ჩვენი საცივია ასეთი. დამშვიდდით. მეგრული ხარჩოც გადასარევია, მაგრამ სადღესასწაულოდ საცივი კარგია.
13:57 / 27-12-2018
მსგავსი სიახლეები
ყველაზე კითხვადი
გამოკითხვა
რამდენ ლარს შეადგენს თქვენი ოჯახის ყოველთვიური შემოსავალი?
```