"ოთახში ჯერ ქალბატონის ცხედარი ვიპოვეთ, მერე - მამაკაცის..." - რას ჰყვება ფოტოგრაფი, რომელმაც გადაიღო ფოტოები აფეთქების ადგილზე
"ოთახში ჯერ ქალბატონის ცხედარი ვიპოვეთ, მერე - მამაკაცის..." - რას ჰყვება ფოტოგრაფი, რომელმაც გადაიღო ფოტოები აფეთქების ადგილზე
დღეს დიდ დიღომში მომხდარ აფეთქებას, წინასწარი მონაცემებით, სამი ადამიანის სიცოცხლე ემსხვერპლა. რამდენიმე ადამიანი, მათ შორის მცირეწლოვანი ბავშვები, დაზიანებებით არიან მოთავსებული საავადმყოფოებში. 

alt"უკიდურესად მძიმე მდგომარეობაა" - მართვით სუნთქვაზე მყოფი ბავშვი იაშვილის კლინიკაში გადაიყვანეს



აფეთქების ადგილას, სრულიად შემთხვევით აღმოჩნდა მედიაჰოლდინგ "პალიტრის" ფოტოკორესპონდენტი გიორგი ჟამერაშვილი. ის ერთ-ერთი პირველი იყო, ვინც აფეთქების ადგილი მოინახულა და პირველი, ექსკლუზიური ფოტოები სააგენტო "ინტერპრესნიუსს" მიაწოდა.
mshoblebi
mshoblebi.ge გიორგის დაუკავშირდა. ვთხოვეთ მოეყოლა, რა დახვდა შემთხვევის ადგილზე:

- გვერდით კორპუსში, 200-300
მეტრში გახლდით მეგობართან სტუმრად. უცებ გავიგეთ აფეთქების ხმა, მთელი კორპუსი შეაზანზარა. მივხვდი, რაღაც საშინელება მოხდა... არც დავფიქრებულვარ, მაშინვე ავიღე ჩემი აპარატი და გამოვვარდი კორპრუსიდან. ჯერ იქვე ვკითხე თვითმხილველებს, რა ხდებოდა. მერე გამოვიქეცი ამ კორპუსისკენ. აქაც ბევრი ხალხი დამხვდა, გვერდით კორპუსებიდან იყვნენ გამოსულები... ყველაფერს ვიღებდი ირგვლივ... თავიდან სიბნელე იყო და ცოტა რომ მივაჩვიე თვალი, უკვე მერე გადავწყვიტე შესვლა... ვიფიქრე, იქნებ დახმარებაც დსჭირვებოდა ვინმეს და ორ საქმეს ერთად გავაკეთებდი.
რომ შევედი, დამხვდა საშინელი სურათი - დიდი წნევისგან, აფეთქებისგან ლიფტის ყველა კარი ამოვარდნილი, მეოთხე სართულიდან და ზემოთ ბინების კარებიც დაზიანებული... ყველაფერი ჩამონგრეული დამხვდა ამ სართულებზე. საშინელი სიტუაცია გახლდათ, ძალიან დამთრგუნველი. თუმცა სიმართლე რომ გითხრათ, იმ წუთას
შიშზე არ ვფიქრობდი... იყო საფრთხე, მაგრამ მაინც გადავწყვიტე ასვლა... ესაა ჩემი სამსახური და ესაა ჩემი პროფესია, რომ გადავიღო.
mshoblebi
...კიბეებზე შემხვდა მამაკაცი ბავშვით ხელში. მამაკაცი პულსს უსინჯავდა ბავშვს, უსმენდა, ცოცხალი იყო თუ არა. გონება ჰქონდა დაკარგული, სავარაუდოდ და ცოცხალი იყო. ჩაიყვანა ქვემოთ და მე მოვასწარი რამდენიმე კადრის გადაღება...
მეექვსე სართული, სადაც მოხდა აფეთქება, სრულიად ჩაბნელებული იყო... ქალის ხმა ისმოდა: "რა ხდება, სად ვარ?"
სამაშველო ძალიან სწრაფად მოვიდა... რომ დაიწყეს მუშაობა, უცებვე, იმავე ოთახში, სადაც პირველი ცხედარი ვიპოვეთ, ქალბატონის, ნახეს მეორე ცხედარი - მამაკაცის...
აფეთქება სადაც მოხდა, იმის ზედა სართულზეც, მეშვიდეზეც ისმოდა მამაკაცის ყვირილის ხმა. სავარაუდოდ, ოჯახის წევრებს ეძახდა. იქ ასვლა ვეღარ მოვახერხე, სამაშველო სამსახურმა და პოლიციის თანამშრომლებმა მთხოვეს, დამეტოვებინა ტერიტორია...

mshoblebi
67948
ბეჭდვა
მოგვწერეთ თქვენი შეკითხვები და მოსაზრებები
კომენტარები (3)
სოფო
0
კი გული დაწყდა რომ ვერ გადაიღო და ვერ ნახა რა მდგომარეობა იყო. რომ შესძლებოდა დაეხმარებოდა კიდეც. რადგან დასახმარებელი სიტოაცია არ იყო და ვერ დაეხმარა მარტო ფოტოები აინტერესებთ თურმე
22:53 / 18-01-2019
ჩვენ-ის კომენტარის საპასუხოდ
7
ნუ ბოდავ რაღაცას, კარგად აფრიალებთ ფოტოებს და რა იცი ფოტოგრაფს გული დასწყდა თუ არა? გამოვლენ "პროფესორები" და კომპიუტერის კაკუნით ბევრს ლაპარაკობთ
12:00 / 17-01-2019
მსგავსი სიახლეები
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?
```