ტელეწამყვანმა, მოდის ბლოგერმა და ინსტაგრამის ვარსკვლავმა ნაომი ისტედმა ცოტა ხნის წინ აღიარა, რომ მოგზაურობის დროს ქმარ-შვილს ეკონომკლასით ამგზავრებს, თავად კი პირველი კლასით მგზავრობს, რადგან სურს განმარტოება და არ უნდა, რომ გაცივდეს.
მოდის ბლოგერს 100 ათასზე მეტი ხელმომწერი ჰყავს ინსტაგრამზე. ის ხშირად მოგზაურობს ქმართან ერთად მსოფლიოს სხვადასხვა ქვეყანაში საქმიდან გამომდინარე და ხანდახან ბავშვებიც დაჰყავს.
მისი შვილები 9 და სამი წლისანი არიან და მიაჩნია, რომ ზემდეტად პატარები არიან საიმისოდ, პირველი კლასის უპირატესობები შეაფასონ.
მის ამ განცხადებას მისი თაყვანისმცემლების უმრავლესობა გაგებით მოეკიდა და აღნიშნეს, რომ მართლაც არიან ადამიანები, რომლებსაც უბრალოდ არ შეუძლიათ ეკონომკლასით მგზავრობა და შეიძლება გამონაკლისის დაშვება საკუთარ თავზე. თუმცა იყვნენ ისეთებიც, რომლებმაც ის გაკიცხეს, როგორც დედა და ეგოისტი უწოდეს.
მოგვიანებით ნაომიმ ასევე განმარტა, რომ ამგვარად სურს ბავშვებს "ფულის ფასი" ასწავლოს და არ მიაჩვიოს ფუფუნებას.