ზუგდიდიდში მცხოვრებმა დალი ძიგუამ გადაწყვიტა, რომ თავისი კუთვნილი აგარაკი მოხუცთა თავშესაფარს დაუთმოს. ამის შესახებ ინფორმაცია სოციალურ ქსელში წმინდა გაბრიელის საქველმოქმედო ფონდის ხელმძღვანელმა, სალომე ფაცაციამ გაავრცელა.
"სასწაულები ხდება წამებში…მეგობრებო მინდა გახაროთ ერთი სასიამოვნო ამბავი, ერთი სურვილი ჩავიფიქრე ამ საახალწლოდ. მეგონა, რომ არ ამიხდებოდა, ჩემი ოცნება კი უკეთილშობილესმა, უერთგულესმა, თავის ქალაქზე და თანაქალაქელებზე უსაზღვროდ შეყვარებულმა ქალბატონმა დალი ძიგუამ-ამ ამიხდინა. ქალბატონს რომელსაც გული შესტკივა ჩვენს ქალაქზე და იმ ადამიანებზე ვისაც ჩვენი, თქვენი თანადგომა სჭირდებათ. ქალბატონი დალი მზადაა თავის აგარაკი "კომბინატში" დაუთმოს მოხუცთა სახლს.
როგორც mshoblebi.ge - სთან საუბარში ქალბატონმა დალიმ აღნიშნა, აგარაკის მოხუცებისთვის გადაცემის გადაწყვეტილება მეგობრებთან საუბრის დროს მიიღო.
"სულ მქონდა ოცნება მოხუცებს დავხმარებოდი, ერთხელ სამეგობროში მოვყევით ლაპარაკს და ერთ-ერთმა თქვა, მოხუცებისთვის ფართი რომ მქონდეს, თავშესაფარს გავაკეთებდიო, მაშინ შევთავაზე, თუ ფართზე ხართ დამოკიდებული, სრულიად უსასყიდლოდ ჩემს აგარაკს დაგითმობ-მეთქი.
ვფიქრობ, რომ ჩემი ამ გადაწყვეტილებით, კეთილი საქმე მექნება ღვთის წინაშე გაკეთებული. ერთადერთი ვაჟიშვილი მყავს, რომელიც ავარიაში მოჰყვა მცხეთაში და 59 დღე იყო კომაში, მაშინ ღვთის წყალობით გადავრჩით, უფალმა გადამირჩინა და სულ ვცდილობ, რომ კარგი საქმეები გავაკეთო, როგორ გამომდის ამას უკვე ღმერთი შეაფასებს".
რუსკა კილასონია