მაკა ჩიჩუა ბავშვებს საბავშვო მოთხრობებს წაუკითხავს - სიურპრიზი პატარებს "ბიბლუსისგან"
მაკა ჩიჩუა ბავშვებს საბავშვო მოთხრობებს წაუკითხავს - სიურპრიზი პატარებს "ბიბლუსისგან"
შაბათ-კვირის უკვე დამკვიდრებული ტრადიცია - ჭავჭავაძის "ბიბლუსი გალერეაში" გატარებული კითხვის
საათი, ბევრისთვის ოჯახურ ტრადიციად გადაიქცა - ბავშვები იქ მშობლებთან ერთად მიდიან, მათთან ერთად უსმენენ ცნობილი ადამიანების მიერ მათთვის წაკითხულ ზღაპრებსა და მოთხრობებს, გებულობენ ბევრ საინტერესო ამბავს, იღებენ სიმბოლურ საჩუქრებს და კითხვის საათის შემდეგ სახალისო აქტივობებშიც ერთვებიან. 
როგორც მშობლები ყვებიან, გარდა იმისა, რომ იპოვეს ადგილი, სადაც შვილებთან ერთად სასიამოვნოდ ატარებენ დროს, ასევე ახარებთ ის, რომ ბავშვები წიგნების სიყვარულს ეჩვევიან და თანაც,
ბევრ ცნობილ ადამიანს ნახულობენ და წიგნებისადმი მათი დამოკიდებულებაც რასაკვირველია, საუკეთესო მაგალითია პატარებისთვის. ეს ალბათ ერთ-ერთია იმ საუკეთესო აქტივობებს შორის, რაც შეიძლება მშობელმა ბავშვს შესთავაზოს. 

ამჯერად "ბიბლუსი გალერეამ" კვლავ განსაკუთრებული ადამიანები შეარჩია ბავშვების მასპინძლების როლში. 

13 აპრილს , 17:00სთ- ზე, პატარების მასპინძელი ყველასთვის საყვარელი მწერალი, ტელეწამყვანი - ალექსანდრე ლორთქიფანიძე იქნება. ის პატარა მეგობრებს საბავშვო მოთხრობებს წაუკითხავს.
mshoblebi

14 აპრილს კი, 15:00სთ-ზე, მშობლების და ასევე პატარების დიდი თხოვნით, პატარების კიდევ ერთი განსაკუთრებული კითხვის საათი ელით - „ბიბლუსი გალერეაში“ მათი მასპინძელი, ყველასთვის საყვარელი, საქართველოს ყოფილი პირველი ლედი - მაკა ჩიჩუა იქნება, რომელიც საბავშვო მოთხრობებს წაუკითხავს სტუმრებს. მაკა ძალიან გაახარა პატარების მოპატიჟებამ და სიამოვნებით გაატარებს ერთ სასიამოვნო საათს მათთან ერთად. 
mshoblebi
ღონისძიებების მხარდამჭერია "არტი და კრაფტი" და სათამაშოების მაღაზია "პეპელა".
ორივე ღონისძიებაზე რეგისტრაცია სავალდებულია. რეგისტრაციისთვის გადადით ბმულზე.

დაბოლოს, 5 მიზეზი, რის გამოც არ უნდა გამოტოვოთ შაბათ-კვირის ეს კარგი ტრადიცია - "კითხვის საათზე" დასწრება:

  • კითხვის საათები ბავშვს უფრო ძლიერ ემოციებს აღუძრავს წიგნის მიმართ და ამით იწყებს კითხვის სიყვარულს.
  • ხვდებიან თანატოლებს, ეს ღონისძიებები მათ ახალი მეგობრების შეძენაში ეხმარება. მათი თანატოლებიც ხომ მშობლებმა კითხვის საათზე იგივე მიზეზით მიიყვანეს - ცდილობენ პატარებს შეაყვარონ კითხვა.
  • კითხვის საათზე ტარებით მშობლები ცდილობენ თავიანთი წვლილი შეიტანონ წიგნებისადმი დამოკიდებულებაში და დაემარონ ბავშვებს გაიაზრონ, რომ შაბათი და კვირა მართლაც კითხვის დღეა – ეს დღე ტრადიციად უნდა იქცეს.
  • ბიბლუსში გატარებული 1 საათი ყველაზე სასარგებლო და გონივრული პერიოდია, რომელიც ბავშვებს ისევე სჭირდებათ, როგორც ნებისმიერი სხვა აქტივობა - სეირნობა, მეცადინეობა, ცხოვრების ჯანსაღი წესი...
  • კითხვის საათი ერთ-ერთი საუკეთესო საშუალებაა საკუთარი თავის გამოსახატად, ბავშვები აქ კითხვა პასუხის რჟიმში ერთვებიან. გამოხატავენ თავიანთ სურვილებს, შეხედულებებს, რომლებსაც უსმენენ და პატივს სცემენ. კითხვის საათის მეშვეობით ისინი ნელ-ნელა ყალიბდებიან, როგორც წიგნის ქომაგები, რომელთა წარმატებაც გარანტირებულია სამომავლოდ.


749
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
ტოტო
0
მორჩა ცირკი და დაიწყო ნამდვილი ცხოვრება.
22:17 / 12-04-2019
მსგავსი სიახლეები
ყველაზე კითხვადი
გამოკითხვა
რამდენ ლარს შეადგენს თქვენი ოჯახის ყოველთვიური შემოსავალი?
```