"არასდროს ვუფრთხილდებოდი ჯანმრთელობას და ამიტომ 11 ოპერაცია მაქვს გამოვლილი" - ნიკოლოზ რაჭველი
"არასდროს ვუფრთხილდებოდი ჯანმრთელობას და ამიტომ 11 ოპერაცია მაქვს გამოვლილი" - ნიკოლოზ რაჭველი
ცნობილი მუსიკოსი ნიკოლოზ რაჭველი 40 წლის გახდა და საკუთარ იუბილეზე საკმაოდ ემოციური ჩანაწერით მიმართა საზოგადოებას:

"ჩემი ცხოვრების 39 წლის განმავლობაში ძალიან ბევრი რამ გადამხდა თავს, სიხარულიც და ტკივილიც, ბედნიერებაც და სევდაც, წარმატებაც და შეცდომებიც...
მაგრამ ერთი რამ ზუსტად ვიცი: ყველა, სულ ყველა, ვისაც ვიცნობ და ვისაც არ ვიცნობ, მაგრამ ერთხელ მაინც დაუკრავთ ტაში ჩემთვის და ჩემი ორკესტრისათვის ძალიან მიყვარს, ძალიან ძვირფასები არიან ჩემთვის!!!

ჰო, ხშირად არ ვპასუხობ სატელეფონო ზარებს, ზოგჯერ
ვაგვიანებ რეპეტიციაზე, ხანდახან მეგობრებისთვის ნაკლებად მისაღებ გადაწყვეტილებებს ვიღებ ან უბრალოდ გულში ვიტოვებ იმას რისი თქმაც და გამოხატვაც მერიდება ერთი რამ მინდა იცოდეთ ყველამ: ერთი წამით არ დამენანება სიცოცხლე თუ საპირწონედ თქვენი კარგად ყოფნა იდგება. ამას ვამბობ ღმერთის წინაშე გულწრფელად.

40 წლის გავხდი. უცებ გაირბინა ცხოვრების ნახევარმა, იმ ნაწილმა, რომელთან გამოთხოვებაც რაღა დაგიმალოდ და ძალიან მიჭირს. მინდა ჩემში არ გაქრეს ახალგაზრდული სულისკვეთება და გაოცების უნარი. ჯერჯერობით ვუმკლავდები და იმედი მაქვს თქვენც, ჩემიანები ამაში მომეხმარებით!

არასდროს ვუფრთხილდებოდი ჯანმრთელობას და ამიტომ 11 ოპერაცია მაქვს გამოვლილი, საკმაოდ რთული, კლინიკური სიკვდილის ჩათვლით, არასდროს ვუფრთხილდებოდი საკუთარ სახსრებს და ამიტომ დღემდე არ გამაჩნია არც საკუთარი საცხოვრებელი ბინა და ჩემი ერთადერთი
რაჭის სახლიც თითქმის ინგრევა, არასდროს ვუფრთხილდებოდი საკუთარ პოზიციას და ამიტომ არც ერთი მთავრობისგან არ მიმიღია ორკესტრისათვის გარემონტებული დარბაზი და განსაკუთრებული პირობები, არასდროს ვუფრთხილდებოდი საკუთარ კარიერას და ამიტომ ბევრჯერ მითქვამს უარი მნიშვნელოვან შემოთავაზებებზე, რაც ჩემი ორკესტრისათვის ყურადღებას მოკლების სანაცვლოდ იქნებოდა... რაღაცას ვნანობ, რაღაცით ვამაყობ, რაღაც მიხარია, ზოგჯერ მწყინს, მაგრამ ერთი რამ არის, რაც მაცოცხლებს - ყველაფერში მინდა სიკეთის და დადებითის დანახვა, ყოველთვის ვცდილობ განსხვავებული აზრის გააზრებას და ყოველთვის ვიბრძოლებ რომ ჩემი გონება სიცოცხლის ბოლომდე ჩემი გულის ტყვედ დარჩეს!

და როდესაც აღარ ვიქნები, ერთადერთი რაც მაიმედებს არის ჩემი მუსიკა, რომელიც მინდა ისეთი შევქმნა, რომ მერეც ჟღერდეს. ეს საკუთარი თავისთვის მიცემული ყველაზე რთული დავალებაა და უკანასკნელ ღამეს სახლში დედაჩემის ცხედართან მარტოდ დარჩენილი მის სულს ეს შევეხვეწე...
თქვენ კი ყველას გისურვებთ მშვიდობას და განუზომელ სიკეთეს თქვენში, თქვენით და თქვენთვის!"

alt"სკოლაში სწავლის პერიოდში ბევრს ჩემი ბებია ეგონა, რასაც ძალიან მტკივნეულად განიცდიდა..." - ნიკოლოზ რაჭველის ემოციური მოგონება


8029
ბეჭდვა
მოგვწერეთ თქვენი შეკითხვები და მოსაზრებები
კომენტარები (10)
???????????????
1
ნიკოლოზ ძალიან ნიჭიერი კაცი ხარ მაგრამ თუ ჭერი არ გაქვს თუ რაჭის სახლი თავზე გენგრევა,თუ ჯანმრთველობას არ უფრთხილდები ?თუ თუ თუ? კიდევ ბევრი რამე, მითხარი კარგი მუსიკა კოგორ უნდა დაწერო? წარმატებები ,მართლა ძალიან დამწყდა გული.
16:02 / 15-05-2019
Lile
2
ვიღაცამ რას გვამადლისო.. აზრი ვერ გამოაქვთ ადამიანებს წაკითხულიდან. მინდა რომ ხშირად ჩანდეს ეკრანზე და დიდხანს იყოს ჯანმრთელი
12:01 / 15-05-2019
უცნობი გულშემატკივარი
1
კარგი ახალგაზრდა ხარ, ყველა და ყველაფერი კარგია, მაგრამ საკუთარი თავი, საკუთარი ჯანმრთელობა ყველაზე ძვირფასი რამე გვაქვს ამ ქვეყანაზე. გისურვებ წარმატებებს, გამეხარდება შენი კარგის გაგება ყოველთვის.
11:16 / 15-05-2019
ქეთი
0
ღირსეული ადამიანი
09:49 / 15-05-2019
დათო
10
შენ არც შენ საკუთარ გვარს გაუფრთხილდი. ისე,რომ ეს არ ახალია.
09:37 / 15-05-2019
მსგავსი სიახლეები
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?
```