სრულიად "ფეისბუქი" მოიცვა 24 წლის წინ დაკარგული ბიჭის ამბავმა, რომელმაც ოჯახს ახლა მიაგნო. დედა-შვილის შეხვედრის ემოციურ ვიდეოს "სენაკის ქრონიკა" ავრცელებს. ვიდეო მარტვილის რაიონის სოფელ ნაგებერაოშია გადაღებული, სადაც ახალგაზრდას ნამდვილი ოჯახი ცხოვრობს.
დედამ დაკარგული შვილი 24 წლის შემდეგ იპოვა - ვიდეო, რომელმაც სოციალური ქსელი შეძრა
როგორც გავარკვიეთ, დათა ამჟამად თერჯოლაში ცხოვრობს, დაოჯახებულია... ჰყავს მეუღლე და ორი შვილი, მესამეს ელოდება. რა მოხდა წლების წინ და როგორ მიაგნო 24 წლის წინ დაკარგულმა ბიჭმა ოჯახს, უფრო მეტი დეტალის გასარკვევად AMBEBI.GE სოფელ ნაგებერაოს რწმუნებულს ირაკლი დანელიას დაუკავშირდა:
"1995 წელს გავიდა დეიდაშვილთან ერთად და რამდენიმე დღეში გავრცელდა ხმა, რომ დაიკარგა. როგორც მე ვიცი, შემდეგ დეიდაშვილი ჰყვებოდა, რომ მტკვარში იყვნენ საბანაოდ და წყალმა წაიღო. დაიწყო სამძებრო სამუშაოები, იმ დღიდან ჩართული იყო პოლიციაც, თუმცა მის კვალს ვერ მიაგნეს. ძებნა არ შეუწყვეტიათ დედ-მამას, და-ძმებსაც. მამა მისი დაკარგვიდან ორ წელიწადში გარდაიცვალა, ნერვიულობას გადაყვა. ვერსად ვერ მიაგნეს კვალს. ახლა ამ ორი დღის წინ გავრცელდა ინფორმაცია, რომ დათა ნაპოვნია და უნდა ჩამოვიდესო. გუშინ ვიყავი ასული და ჩამოსული იყო. როგორც ვიცი, დათას ჩხუბი მოუვიდა, რის შემდეგაც ის მოხვდა ქუთაისის ციხეში, სადაც ჩვენი თანასოფლელი იჯდა. მან მიამსგავსა მეზობელს და ჰკითხა, გახოკიძე ხომ არ ხარო. ამას თავისი გვარი ახსოვდა და კიო, მე გახოკიძე ვიყავიო, კიდევ ოტობაია უხსენებია, იქიდან ვარო.