"ფეისბუქში" ვრცელდება გუშინდელი აქციის ერთ-ერთი მონაწილის, ახალგაზრდა მამაკაცის ფოტო, რომელსაც თვალის არეში უმძიმესი დაზიანება აქვს მიღებული. ინტერნეტმომხმარებლები წერენ, რომ ეს ბიჭი აფხაზეთიდან დევნილი დემეტრე ნაყოფიაა, რომელმაც აქციის დარბევის დროს, სავარაუდოდ რეზინის ტყვიით მიყენებული ტრავმის შედეგად თვალი დაკარგა.
„ეს დემეტრეა, თეატრალური უნივერსიტეტის სტუდენტი, აფხაზეთიდან დევნილი... ამ დღეში მხოლოდ იმიტომ არის, რომ სამშობლოში ოკუპანტის გაპარპაშება გააპროტესტა, ეს დანაშაულად ჩაუთვალეს და ამ საბედისწერო დღის შემდეგ მხოლოდ ნახევარი სამყაროს დანახვას შეძლებს!“ - წერს მიმო გაბაიძე "ფეისბუქის" პირად გვერდზე.
თუმცა იმას, რომ ახალგაზრდამ თვალი დაკარგა, AMBEBI.GE-სთან საუბარში არ ადასტურებენ დემეტრე ნაყოფიას მეგობრები. ზუგდიდელი მსახიობსი, რომელიც გუშინ პარლამენტის შენობის მიმდებარე აქციაზე დაშავდა, ამ წუთებში ოპერაცია უტარდება. მას რეზინის ტყვია მარცხენა თვალში აქვს მოხვედრილი. განაგრძეთ კითხვა