"დღეს ეს 6 წლის ყმაწვილი დააპატიმრეს" - ბებიამ ბავშვებს შორის მომხდარი ჩხუბის გამო პატრული გამოიძახა
"დღეს ეს 6 წლის ყმაწვილი დააპატიმრეს" - ბებიამ ბავშვებს შორის მომხდარი ჩხუბის გამო პატრული გამოიძახა
სოციალურ ქსელში გავრცელდა ინფორმაცია, რომლის მიხედვითაც ბავშვებს ერთ-ერთ საბავშვო ცენტრში სათამაშოს გამო შელაპარაკება მოუვიდათ და ერთ-ერთი ბავშვის ბებიამ  ამის გამო პატრულში დარეკა.

"დღეს ეს 6 წლის ყმაწვილი დააპატიმრეს და თითქმის 3 საათი დაჰყო შსს-ს მთავარ სამმართველოში. მას შელაპარაკება მოუვიდა 2 წლით უმცროს (უცნობ) ბავშვთან (ლაბირინთში შეძრომა ვერ გაიყვეს), რის გამოც უცნობის ბებიამ უჩივლა პატარა მამუკას, გამოიძახა პატრული და დააჭერინა. ინციდენტში მონაწილე პირები საპატრულო პოლიციამ საბურთალოდან სამგორის მთავარ სამმართველოში გადაიყვანა.
ეს კია კომედია და პატრულის ეკიპაჟსაც დიდი მადლობა, რომ ბავშვს ისე
გაუმასპინძლდნენ, რომ გამოვიდა დაკითხვიდან მეგობრად მოიხსენიებდა მათ, მაგრამ აი ასე გვესმის ქართველებს თავისუფლება, დამოუკიდებლობა და უფლებების დაცვა რომ შეგვიძლია, 6 წლის ბავშვს ვუჩივლოთ და განყოფილება-განყოფილება ვათრიოთ"- წერს ჟურნალისტი ბესო მახარაშვილი, რომელსაც გასართობად მეგობრის შვილი ჰყავდა წაყვანილი.

ის ჩვენთან საუბრისას ამბობს:

- პატრულის ქცევით სასიამოვნოდ გაკვირვებული ვარ, რადგან ძალიან კარგად მოექცნენ ბავშვებს, მაგრამ გაოგნებული ვარ ქალბატონის საქციელით, რომ იკადრა, დარეკა და ისტერიულად ითხოვდა განცხადების დაწერას. ძალიან უხერხულ მდგომარეობაში აღმოჩნდა ადმინისტრაციაც, რომელმაც სიტუაციის განმუხტვისთვის ყველაფერი გააკეთა და ბავშვები დაასაჩუქრა, მაგრამ ბებია არ გაჩერდა. ძალიან მეშინოდა ბავშვი არ დასტრესილიყო, მაგრამ ისეთი ბედნიერი გამოვიდა, მთელი დღე "პატრული ბიძიებზე" ლაპარაკობდა, რომ ახალი მეგობრები ჰყავს და თვითონაც უნდა, რომ პატრული გამოვიდეს.

პოლიციის შენობაში ბავშვები უფროსებთან ერთად აღმოჩნდნენ, 3 საათის შემდეგ კი გამოუშვეს. 

altპატარა მაქსიკომ ხმაურით მეზობელი შეაწუხა და ამის გამო პატრული გამოძახეს



9558
ბეჭდვა
მოგვწერეთ თქვენი შეკითხვები და მოსაზრებები
კომენტარები (7)
gaga
1
ბებოს საქციელი მისაბაძია. ბავშვს ოთხი წლის ასაკიდან უნდა ჩამოუყალიბდეს ისეთი აზროვნება, რომ ყოველგვარი კონფლიქტი პოლიციამ უნდა მოაგვაროს და არა ქუჩურმა გარჩევამ ფარდულებში დანების ტრიალით. პრესამ და ტელევიზიამ პოპულარიზაცია უნდა გაუწიოს ბებოს წამოწყებას.
12:32 / 01-07-2019
ბებო
0
ბავშვი, რომელსაც სახლში უფროსები არ ჩაგრავენ, არასდროს დაჩაგრავს სხვას. ჩვეულებრივად ასეა, ცუდი ბავშვი არ არსებობს, არსებობს უტვინო მშობლებისგან ცუდად გაწვრთნილი ბავშვი., რომელიც ოჯახში პროტესტს ვერ ბედავს, დაგროვილ აგრესიას კი სხვებზე, მასზე სუსტებზე აფრქვევს, ანუ მშობლებს ბაძავს. ამიტომაც შეეშვით ბავშვების წვრთნას და უბრალოდ, სიყვარულში გაზარდეთ.
10:34 / 01-07-2019
მსგავსი სიახლეები