ცოტა ხნი წინ მეგან მარკლი არაოფიციალურ შეკრებას შეუერთდა - უილიამის ოჯახობასთან ერთად პოლოს მატჩს დაესწრო და შემდეგ იქვე მდელოზე გაისეირნა. თუმცა პატარა არჩისთან ერთად მისი გამოსვლა შეუმჩნეველი არ დარჩენილა. პაპარაცულ ფოტოებს დიდი გამოხმაურება მოჰყვა - ინტერნეტმომხმარებლებს შორის ბევრი მშობელი იყო, რომლებმაც გააკრიტიკეს მეგანი ბავშვის ცუდად ჭერის გამო.
ორი თვის არჩი მეგანს ხელში ეჭირა - საკმაოდ მოუხერხებლად, რაც ახალბედა დედისგან სულაც არ არის გასაკვირი, მაგრამ როგორც წესი, სხვებმა ხომ ყოველთვის უკეთ იციან ყველაფერი? ფოტოებს უამრავი კომენტარი მოჰყვა: "არ იცის, ბავშვს როგორ მოექცეს", "სად აქვს ბავშვს ქუდი და წინდები?", "საშინელებაა ამის ყურება, როგორ უჭირავს?"