სოციალურ ქსელში კიდევ ერთი მამაცი და კეთილი ადამიანის ამბავი იქცა ჰიტად, რომელიც ინტერნეტმომხმარებელმა ლეილა რუსიშვილმა გაავრცელა:
"დღეს მე ამ ფაქტს ჩემი თვალით შევესწარი... ვიყავი ბათუმის სანაპიროზე ჩემს ოჯახთან ერთად, იყო საშინელი 5-ბალიანი შტორმი და მაშველებმა თქვეს, რომ არ შეიძლებოდა ამ შტორმში შესვლა. ეს გმირი ბიჭი სახელად მამუკა ხილაძე, რომელიც შეზლონგებზე მუშაობს, იყო სანაპიროზე და თავის სამუშაოს ასრულებდა, ამ დროს მან დაინახა, რომ ბავშვი ტალღამ შეითრია, არც დაფიქრებულა, გაიქცა და შევარდა ეგრევე შტორმში. ალბათობა, რომ ორივე ცოცხლები გამოსულიყვნენ, იყო 0%, მაგრამ ამ გმირმა ბიჭმა არაფერზე არ დაიხია უკან.
უცბად ტირილიც ამივარდა იმიტომ, რომ შვილივით მიყვარს მამუკა. ამ მომენტში ვხედავ მამუკას ამ პატარა ბავშთან ერთად, რომელიც ამოჰყავდა ამ შტორმიდან... 5 წუთიც არიყო გასული, ყვირის მამუკას მამა: "მამუკა, მეორე ბავშვიც იხრჩობა" და ისევ შეუსვენებლად და დაუფიქრებლად შევიდა ისევ ამ ტალღებში. თავის სიცოცხლეზე არც დაფიქრებულა. ღმერთის წყალობით ისევ გადაარჩინა მეორე ბავშვიც. პატარა ინტერვალის შემდეგ ისევ ისმის ყვირილი "უშველეთ..." და ისევ დაუყოვნებლად შევარდა ზღვაში, რომ გადაერჩინა უკვე მესამე ბავშვი...
ჩემო მეგობრებო, უბრალოდ მე მინდოდა მეთქვა ყველასთვის და მომეყოლა თქვენთვის ამ გმირი ბიჭის ამბავი, რომლის თვითმხილველიც გახლდით მე და ვთხოვ ღმერთს, რომ ასეთი ახალგაზრდები ამრავლოს ღმერთმა.
"მამუკა, შვილო, უფალს ებარებოდე" - შენი ლეილა დეიდა".
თეკლა ჟვანია