სელმა ბლერი დიდი ხანია ებრძვის გაფანტულ სკლეროზს. ამ დღეებში პაპარაცებმა ლოს ანჯელესის ქუჩაში დაინახეს მოღიმარი ბოიფრენდ დევიდ ლაიონსთან ერთად. სელმა ბლერი ღიად საუბრობს თავის დაავადებაზე და გამომწერებს გაფანტული სკლეროზის მკურნალობის მეთოდებს უზიარებს. ზაფხულში ჩაიტარა ქიმიოთერაპიის კურსი, დაეწყო თმის ცვენა, ამიტომ იძულებული იყო თმები გადაეპარსა.


ამის გამო არ წუხს და აგრძელებს ჩვეულ რიტმში ცხოვრებას.  მართალია, ცოტათი კოჭლობს, მაგრამ ცდილობს, ცხოვრების რიტმი არ შეცვალოს და მაგალითი მისცეს სხვა ადამიანებსაც, რომ სულით არ დაეცნენ და ნებისმიერი დიაგნოზის დროს, ეცადონ ცხოვრება ისევ უყვარდეთ და მიიღონ სიამოვნება. 

სელმამ, რომელიც საკმაოდ წარმატებული მსახიობია, შარშან ოქტომბერში ამცნო საზოგადოებას თავისი დაავადების შესახებ. სავარაუდოდ, ეს დაავადება ბოლო წლებში ჰქონდა, თუმცა არ ამხელდა. შარშან კი სიმპტომები გაუმწვავდა და ჯოხით დაიწყო სიარული.