9 ოქტომბერს, ქობულეთში მომხდარ ავარიას 15 წლის ლიკა სარჯველაძის სიცოცხლე ემსხვერპლა. ავტოსაგზაო შემთხვევის დროს ერთმანეთს ორი მსუბუქი მანქანა შეეჯახა. ავარიის დროს ლიკა მანქანაში მამასთან და უმცროს ძმასთან ერთად იმყოფებოდა. გოგონა ადგილზე გარდაიცვალა, ორივე დაშავებული კი სასწრაფო სამედიცინო დახმარების ბრიგადამ საავადმყოფოში გადაიყვანა.
"ჯერკიდევ ვერ ვიჯერებ, რომ აღარ იქნები ჩვენთან ერთად. ყველაზე მეტად მენატრები, ჩემო ანგელოზო. მიჭირს იმის გააზრება, რომ შენ აღარ ხარ. მენატრება შენთან გატარებული ყველაა წამი,.ჩემო ფერია, ძალიან დიდი ტკივილი ხარ!"
"მტკივა...მტკივა... საშინლად მტკივა, ლიკუნა, შენი უდროოდ წასვლა. შენი გეგმები და ოცნებები რატომ დატოვე ბედის ანაბარა. ნუთუ არავინ გენაღვლებოდა... დედა... მამა... და ან ძმა...შენი სამეგობროც სულ დაგავიწყდა... გული მტკივა იმაზე ფიქრით, რომ სამუდამოდ გაფრინდი ჩვენგან", - წერენ გარდაცვლილი გოგონას ახლობლები სოციალურ ქსელში.