გარემოს ეროვნული სააგენტოს ცნობით, საქართველოში ხვალიდან ამინდი შეიცვლება და ტემპერატურად დაიკლებს.

დასავლეთ საქართველოში ხვალ წვიმაა ნავარაუდევი. ტემპერატურა კი 18-19 გრადუსის ფარგლებში იქნება. აღმოსავლეთში კი ხანმოკლე წვიმა, ელჭექით. ტემპერატურა 14-18 გრადუსამდეა მოსალოდნელი. ხვალ თბილისშიც ხანმოკლე წვიმაა ნავარაუდევი ელჭექით, დღის მაქსიმალური ტემპერატურა კი 18 გრადუსი იქნება.

,,პირველსა და ორ ნოემბერს მთელ საქართველოში ველოდებით ცივი და ნოტიო ჰაერის გავრცელებას. წვიმიანი ამინდი იქნება დასავლეთშიც და აღმოსავლეთშიც. მოსალოდნელია ჰაერის ტემპერატურის მნიშვნელოვანი კლება. დასავლეთ საქართველოში დღის მაქსიმალური ტემპერატურა პირველ ნოემბერს 11-16 გრადუსი იქნება, 2 ნოემბერს 9-14 გრადუსი. აღმოსავლეთ საქართველოში 10-15, ორ ნოემბერს კი 9-14 გრადუსი იქნება. 3 ნოემრიდან ნალექი შეწყდება. 4 ნოემრბიდან ტემპერატურა მოიმატებს, მაგრამ ასეთი სითბოები, როგორც ოქტომბერში იყო, აღარ იქნება. დასავლეთ საქართველოში უფრო მოიმატებს ტემპერატურა, ვიდრე აღმოსავლეთში." - განგვიცხადეს გარემოს ეროვნულ სააგენტოში.

თამარ იაკობაშვილი