ბატუტი ერთ-ერთი საყვარელი გასართობია ბავშვებისთვის. გასართობი ცენტრების უმრავლესობა სწორედ ბატუტის საშუალებით იზიდავს მომხმარებელს და ეს მომსახურება არც თუ ისე იაფია.
ამიტომ ბევრი ოჯახი ცდილობს თავად შეიძინოს ბატუტი და შინ მოიწყოს მხიარულება. მითუმეტეს, რომ უკვე იყიდება კომპაქტური, ადვილად გადასაადგილებელი ბატუტები და ფასიც ხელმისაწვდომი აქვთ.
თუ თქვენც ფიქრობთ, რომ ამ ნივთით ოჯახის წევრები ნასიამოვნები დაჩებიან და მის შეძენასაც გადაწყვეტთ, ბატუტის შესახებ მეტი ინფორმაციაც დაგჭირდებათ.
პირველ რიგში გაითვალისწინეთ ასაკი და წონა. თუ ბავშვისთვის გინდათ, სპეციალურად საბავშვო ბატუტი შეარჩიეთ. დიდებისთვის განკუთვნილი ბატუტი ბავშვს არ მოეწონება, რადგან მის ზედაპირს მსუბუქ წონაზე დაბალი მგრძნობელობა ექნება და ისე კარგად ვერ ახტუნავებს, როგორც მას სურს. მითუმეტეს, უფროსი ვერ გამოიყენებს საბავშვო ბატუტს. ერთი ახტომა და... ყველაფერი როგორც დასრულდება, თავადაც ხვდებით. ყველაზე პრაქტიკული და მოსახერხებელია ბატუტები, რომლებსაც დამცავი ბადე მოჰყვება. ამის წყალობით, ბავშვი ტრავმებისგან დაცულია. ყურადღება მიაქციეთ კონსტრუქციას. სასურველია კარკასი რკინის იყოს, რათა ბატუტმა დიდხანს გაგიძლოთ. არსებობს გასაბერი ბატუტებიც. მათი შენახვა და გამოყენება ადვილია, ვიზუალურადაც მოსწონთ პატარებს. სამაგიეროდ მისი გაბერვა ყოველ ჯერზე დიდი გამოცდა იქნება თქვენი ფილტვებისთვის. გაბერილი კონსტრუქცია ბავშვების ხელში გამძლეობითაც ვერ დაიკვეხნის.
შესაბამისად, ჯობს უპირატესობა რკინის კარკასს მიანიჭოთ, რომელსაც სქელი სახტუნაო ხედაპირი და დამცავი ბადე აქვს.