ახალი წელი ოჯახური დღესასწაულია და ყველა ცდილობს, ეს დღეები ოჯახის წევრებთან ერთად გაატაროს. მთავრობის წევრებიც ამ დღეებში შინ თუ გარეთ ოჯახის წევრებთან ერთად ყოფნას არჩევენ და საახალწლო ოჯახურ ფოტოსესიებშიც მონაწილეობენ.
თბილისის მერი კახა კალაძე 2020 წელს რესპუბლიკის მოედანზე შეეგება, მეუღლესა და სამ ვაჟთან ერთად. უმცროსი ჯერ პატარაა და ამჯერად შინ დატოვეს.
ასევე ოჯახის წევრებთან ერთად გამოვიდა გარეთ არჩილ თალაკვაძე, რომელსაც ოჯახურ ფოტოსესიაში მეუღლე და ორი ქალიშვილი უმშვენებდნენ გვერდს.
ირაკლი ღარიბაშვილის მეუღლე ნუნუკა თამაზაშვილმა შინაური საახალწლო ფოტო გაავრცელა სოციალურ ქსელში - ცოლ-ქმარი ოთხ შვილთან ერთად იწონებს თავს.
ბიძინა ივანიშვილს საახალწლო ოჯახური ფოტო ჯერ არ გაუვრცელებია, თუმცა მისმა ვაჟმა ბერამ მეუღლესა და ახალშეძენილ ვაჟთან - ბერუკასთან ერთად გადაიღო სადღესასწაულო ფოტო და ასე მიულოცა ფეისბუქმეგობრებს ახალი წელი.