როგორც ცნობილია, 4 იანვარს 8 წლის მოზარდი  "პრივატ კლინიკაში" ერთკვირიანი მკურნალობის შემდეგ გარდაიცვალა. როგორც ცნობილია, პაციენტი კლინიკაში სუნთქვის მწვავე უკმარისობითა და ცხელების ფონზე შეიყვანეს.

ჯერჯერობით უცნობია, რა გახდა 8 წლის მოზარდის გარდაცვალების მიზეზი. დაავადებათა კონტროლისა და საზოგადოებრივი ჯანმრთელობის ეროვნულ ცენტრში განგვიცხადეს, რომ სავარაუდო მიზეზი, ე.წ. ღორის გრიპის არსებობა არ დასტურდება და მიმდინარეობს კვლევა.

გარდაცვალების მიზეზად ღორის გრიპს არც ექიმ-რეანიმატოლოგი, ოლიკო გახელაძე ადასტურებს. მან ინტერპრესნიუსთან საუბრისას განაცხადა:
"პაციენტი შემოვიდა ავადობის სამდღიანი ანამნეზით. შემოსვლისას ყურადღებას იპყრობდა სუნთქვის მწვავე უკმარისობის კლინიკა ცხელების ფონზე. დაწყებული მკურნალობის ფონზე მდგომარეობა სწრაფად პროგრესირებდა, განვითარდა რესპერატორული დისტრესის კლინიკა, პაციენტი გადაყვანილი იქნა ხელოვნურ ვენტილაციაზე. მიუხედავად ამისა, მდგომარეობა ძალიან გართულდა, გამოიკვეთა პოლიორგანული უკმარისობა და დღეს დილას დასრულდა ლეტალური შედეგით."

თამარ იაკობაშვილი