ინდოეთში სამკურნალოდ მყოფი ანიტა ფაცაციას მდგომარეობა გართულდა. ამის შესახებ ინფორმაცის ბავშვის ოჯახის ახლობელი ავრცელებს:
"ანიტელებო, უკვე მერამდენედ, მაგრამ თქვენდამი უდიდესი რწმენით სავსე, კიდევ ერთხელ გთხოვთ, ილოცოთ ანიტასთვის.
ჩვენი გოგოს მდგომარეობა კრიტიკულია, ბავშვს აქვს შინაგანი სისხლდენა.
მარიკო და გიორგი არ უშინდებიან ამ განსაცდელს, ისევე როგორც ჩვენ, რადგან თქვენი ლოცვის იმედი გვაქვს.
ეს არის ის სასწაული, რამაც აქამდე მოგვიყვანა და ამდენი განსაცდელისგან გვიხსნა.
ეს არის ის, რაც მიგვიყვანს ანიტას გამოჯანმრთელებამდე", - წერს სოციალურ ქსელში ნათია გოდერძიშვილი.