"მაძღრები ვერ ხედავთ სხვის შიმშილს, არა? რამდენი ადამიანი გარდაიცვალა სათითაოდ უპატრონობით, იცით?" - აკა სინჯიკაშვილი
"მაძღრები ვერ ხედავთ სხვის შიმშილს, არა? რამდენი ადამიანი გარდაიცვალა სათითაოდ უპატრონობით, იცით?" - აკა სინჯიკაშვილი
აკა სინჯიკაშვილი, რომელიც უამრავ გაჭირვებულ ადამიანს ეხმარება, ბაღდათში მომხდარ ტრაგედიას და ამ ფაქტზე სახელმწიფო მოხელეების თუ უბრალო მოქალაქეების არც ისე ადეკვატურ კომენტარებს ეხმაურება:

"რაღაცის თქმა მინდა რა!
გუშინდელი ტრაგედია, სადაც ორი ქალი და ოთხი ბავშვი ცოცხლად დაიწვა, ვუყურებ როგორ გამოიყენა ყველამ თავის ჭკუაზე, როგორც აქამდე მომხდარი სხვა ტრაგედიები.ვიღაცამ ისიც თქვა, ქვეყანაში ბავშვები არ შიმშილობენო. თქვენ მართლა გიჟები ხო არ ხართ? კაია თანამდებობა და მაყუთი არაა? მაძღრები ვერ ხედავთ სხვის შიმშილს, არა? ამ წამს რვაასზე მეტი ბავშვი და ასზე მეტი უპატრონო მოხუცი
პირადად მე მაბარია. ყველა ისეთ დღეშია, რამდენი დღეც მე ვერ მივალ, ზუსტად იმდენი დღე იქნებიან მშივრები. ავადმყოფობის მეშინია, რომ აღარ ვიცი ხოლმე ვინ გავგზავნო საჭმელის მისატანად. ლამის სახლებში დავდივართ სხვებთან, რომ ერთი სადილი საჭმელი გამოვართვათ და შიმშილისგან გალურჯებულ ბავშვებს წავუღოთ. არ გჯერათ არა? ერთი დღე დილიდან გამომყევით და მე გაჩვენებთ როგორ წყდებიან შიმშილით, უექიმობით, უსახლკარობით და უწამლობით ადამიანები. თქვენი თვალით გაჩვენებთ მარტო თბილისში კი არა, ნებისმიერ რეგიონში სადაც მეტყვით. სოციალური დახმარება რომ ამოგიღიათ ხმალივით და იძახით, რომ ხალხს ეხმარებით, გაჩვენოთ რამდენს და რანაირ ხალხს აქვს მოხსნილი, შეჩერებული და დავიწყებული საერთოდ? მერე თუ გინდა
იმასაც გაჩვენებთ, ვის აქვს დანიშნული.
ფოტოზე რომ ხედავთ, ასე რამდენი ადამიანი ათენებს ქუჩაში, იცით? ძველი საბნები დაგვაქვს მთელი ღამე და ვუტოვებთ, რომ არ გაიყინონ. მაგასაც გაჩვენებთ, თუ გამომყვებით. არავისი სტატისტიკა არ მჭირდება, იმისთვის, რომ ვიცოდე რამდენი ათასი ბავშვი შიმშილობს ყოველდღე, ჩემი თვალით მაქვს ნანახი. თქვენ ამ ამბებს როდის იგებთ იცით? როცა ყველასთვის დასანახი დიდი ტრაგედია ხდება, თორემ რამდენი ადამიანი გარდაიცვალა სათითაოდ უპატრონობით, იცით? მარტო იმის გამო, რომ გვიან გავიგე,ვერ მივასწარი და ტვინს მიხეთქავს ეხლა, რომ წინა დღეს რომ მივსულიყავი, იქნებ რამე მეშველა.
ვისაც ჰგონია, რომ ქვეყანაში შიმშილი და უმუშევრობა არ არის და სიღარიბე დაძლეულია, უბრალოდ ან გარშემო არ იყურება, ან დიდი ნაბიჭვარია, რომელიც ძვლის და ხორცის გროვებად ხედავს ამდენ უბედურს. მთავრობა კიდევ ყველა ერთნაირია, ახალიც, ძველიც და ასჯერ ძველიც.უბედურს, ობოლს და საცოდავს არავინ არასოდეს ეხმარებოდა და ეხლაც ეგრეა რა თქმა უნდა. გადაივლის ეს ამბავიც და ყველა ისევ ისეთ უბედურებაში დარჩება, როგორც აქამდე იყო.
თქვენ კიდევ ცვალეთ სკამები და ძალაუფლებები, დაჭამეთ ერთმანეთი პარტიების სახელით და მოგვეცით ახალი აუსრულებელი დაპირებები. ფეხებზე არ გკიდიათ? თქვენს შვილებს ხო არ შიათ და თქვენს დედებს ხო ქუჩაში არ სძინავთ!
ბოდიში რა, გული მერევა უკვე ამდენ დამპალზე!"


alt"მე ვოცნებობ თოჯინაზე..." - რა პირობებში ცხოვრობდნენ ბავშვები, რომლებიც დედასთან ერთად საშინელ ხანძარს ემსხვერპლნენ


2870
ბეჭდვა
მოგვწერეთ თქვენი შეკითხვები და მოსაზრებები
კომენტარები (11)
დავით 67
0
აქ ზოგიერთები რომ წერენ ცალი ხელით მათხოვრობენო და მეორეთი მობილურზე ლაპარაკობენო, ერთი მათ ტვინში ჩამახედა, თუმცა სიცარიელის გარდა ვერაფერს ვნახავ. უბრალო ძველი მობილური 10 ლარი ღირს და თანაც ცალმხრივად ლაპარაკიც შეუძლიათ. ეგ მაინც არ იცით. თქვენც იმათგან კი არ განსვავდებით, ვინც სოციალურ დახმარებას უხსნის ღარიბებს, აქაოდა მაცივარი გქონიაო და შიგ რამდენიმე კვერცხი აღმოუჩენიათ, თითქოს დანაშაულის ფაქტი ამოეღოთ!
01:19 / 07-02-2020
მარიამი
0
რეალურად გაჭირვებულებს მართლაც არ აქვთ სოციალური დახმარება
18:10 / 06-02-2020
მსგავსი სიახლეები

გამოკითხვა
რომელია თქვენი ბავშვის საყვარელი მულტფილმი?
ყველაზე კითხვადი