რატომ ზრდის შვილს ძიძის გარეშე ჯანეტ ქერდიყოშვილი და როგორ უვლის თავს ახალბედა დედა - "28 იანვრის მერე მივხვდი, რისთვის ვარ ამქვეყნად" - მშობლები

რატომ ზრდის შვილს ძიძის გარეშე ჯანეტ ქერდიყოშვილი და როგორ უვლის თავს ახალბედა დედა - "28 იანვრის მერე მივხვდი, რისთვის ვარ ამქვეყნად"

28 იან­ვარს ჯა­ნეტ ქერ­დი­ყოშ­ვი­ლი­სა და ნოე სუ­ლა­ბე­რი­ძის სა­ერ­თო შვი­ლი - ანნა სუ­ლა­ბე­რი­ძე მო­ევ­ლი­ნა ქვე­ყა­ნას.

მო­დე­ლის­თვის ანნა პირ­ვე­ლი შვი­ლია, ნო­ეს­თვის კი მე­სა­მე, მე­სა­მე ქორ­წი­ნე­ბი­დან. "მის სა­ქარ­თვე­ლო 2011"-ისა და ცნო­ბი­ლი პრო­დი­უ­სერ-ტე­ლე­წამ­ყვა­ნის ქორ­წი­ნე­ბა ერთი წლის წინ მო­უ­ლოდ­ნე­ლი აღ­მოჩ­ნდა სა­ზო­გა­დო­ე­ბის­თვის. წყვი­ლის გარ­შე­მო სა­ზო­გა­დო­ე­ბის ინ­ტე­რე­სი არ წყდე­ბა, სწო­რედ ამი­ტომ ჯა­ნეტ­მა გა­და­წყვი­ტა, "ინ­სტაგ­რამ­ზე" გულ­შე­მატ­კივ­რე­ბის მიერ დას­მუ­ლი შე­კი­თხვე­ბის­თვის გულ­წრფე­ლად ეპა­სუ­ხა.

მო­დე­ლი ამ­ბობს, რომ შვილს ძუ­ძუ­თი კვე­ბავს. ხოლო კი­თხვა­ზე, რო­დის გა­მო­ა­ჩენს პა­ტა­რას სა­ხეს, პა­სუ­ხობს: "ჯერ ცოტა წა­მო­ი­ზარ­დოს".

- ჯა­ნეტ, რო­გო­რი გრძნო­ბაა დე­დო­ბა?

- 2020 წლის 28 იან­ვრის მერე მივ­ხვდი, რის­თვის ვარ­სე­ბობ­დი ამ­ქვეყ­ნად.

- ბუ­ნებ­რი­ვად იმ­შო­ბი­ა­რე და რამ­დენ ხან­ში?

- დიახ, ბუ­ნებ­რი­ვად, 5 სა­ათ­ში. თუმ­ცა, გა­ვი­კე­თე ეპი­დე­ლუ­რი გა­უტ­კი­ვა­რე­ბა. ვერ ვი­ტყვი, რომ სა­სი­ა­მოვ­ნო იყო ნემ­სის გა­კე­თე­ბის პრო­ცე­სი, მაგ­რამ დიდი მად­ლო­ბა ექიმ დო­ლი­ო­ტეს 1931 წელს შექ­მნი­ლი ეპი­დუ­რა­ლუ­რი ანეს­თე­ზი­ის­თვის.

- რამ­დე­ნი მო­ი­მა­ტე ორ­სუ­ლო­ბი­სას?

- 15 კი­ლოგ­რა­მი, თუმ­ცა 10 კი­ლოგ­რა­მი სამ­შო­ბი­ა­რო­ში დავ­ტო­ვე...

- ასე სწრა­ფად რო­გორ და­ი­კე­ლი წო­ნა­ში?

- ბუ­ნებ­რი­ვი კვე­ბის დროს, დედა დღე­ში 500 კა­ლო­რი­ას ხარ­ჯავს, ამი­ტომ წო­ნა­ში დაკ­ლე­ბა არ გამ­ჭირ­ვე­ბია.

- რო­გორ იკ­ვე­ბები ლაქ­ტა­ცი­ის პე­რი­ოდ­ში?

- ქა­ლებს მო­ვუ­წო­დებ: ნუ ფიქ­რობთ, 24 სა­ა­თი მაგ თე­მა­ზე, მო­ეშ­ვით და თა­ვად ნა­ხავთ შე­დეგს, ყვე­ლა­ფე­რი მო­დის თა­ვი­დან! რა თქმა უნდა სა­ღა­მოს, მძი­მე საკ­ვებს არ ვი­ღებ, უარი ვთქვი ტკბი­ლე­ულ­ზე, ცო­მე­ულ­სა და გა­ზი­ან სას­მე­ლებ­ზე. განაგრძეთ კითხვა