ტელეწამყვანი გიორგი გასვიანი, რომელიც აფაზეთიდანაა, საკუთარი ბავშვობის ტრავმას იხსენებს და მშობლებს მოუწოდებს, რომ ბავშვები არ დააპანიკონ და არ უთხრან შვილებს, რომ სამყარო ინგრევა
"ბავშვები არასოდეს დააპანიკოთ! ნუ ეტყვით მათ, რომ "სამყარო ინგრევა!!!" სამყარო შეიძლება გადარჩეს, ხოლო ბავშვს მთელი ცხოვრება გაჰყვეს ტრავმა!
სოხუმი იბობმებოდა...
6 წლის ვიყავი.... მეზობლის სახლს უზარმაზარი ბუნკერი ჰქონდა და მთელი სამეზობლო იქ ვიმალებოდით! ერთმანეთზე ზრუნავდა ყველა.... ჭურვის აფეთქება აზანზარებდა კედლებს... გვერდზე (ჩემს სახლში) ჩემი მშობლები იმყოფებოდნენ.... ახალგაზრდა მამაჩემს ინსულტი ჰქონდა მიღებული. წვეთოვანზე შეერთებული იყო, ვერ ჩაგვყავდა ბუნკერში. დედა მამასთან იყო.
მე ბუნკერში მეზობლებთან ერთად მყოფი ყველაზე მეტად იმაზე ვშიშობდი, რომ სახლს, სადაც მშობლები იყვნენ, ჭურვი არ დასცემოდა... ბუნკერში ქალები, ბავშვები და მოხუცები ვიყავით... უცებ შემოვარდნენ ჩვენი უბნის მამაკაცები და გამოგვიცხადეს, რომ სასწრაფოდ უნდა გადავეყვანეთ სხვა ქუჩაზე, აქ ინტენსიური დაბომბვა იწყებაო.... გული ამიჩქარდა შიშისგან, ისევ მშობლებზე ვინერვიულე!!! რადგან მამას ვერ გადავიყვანდით და წარმოვიდგინე, რა დაემართებოდათ დაბომბვისას... 6 წლის ბავშვმა რაც შეიძლება იფიქროს, ყველაფერი წარმოვიდგინე!!! შემდეგ ჩვენი გადაყვანა გადაიფიქრეს, რადგან აღმოჩნდა, რომ ცრუ ინფორმაცია იყო... დილამდე იბომბებოდა ქალაქი!!! ჩვენ გადავრჩით! დილამდე ამ ფიქრებში გავათენე! მაშინ დავასრულე პატარა ბავშვის ფიქრით აზროვნება და ზრდასრულის ცნობიერება ჩამომიყალიბდა!"
თეკლა ჟვანია